Tuesday, August 06, 2013

New Lebanese Restaurant In the Town : Stayha مطعم سطيحة



من يومين زرت مطعم سطيحة اللبناني بعد ما وصلتني منهم دعوة تشووق وايد حطيتها بانستغرام 

موقع المطعم مشالله اووووكي ، في اكثر مكان بالكويت لويه و كلنا نحب نروح له  في الصالحية 

المطعم مكانه بمجمع نور الصالحية و هذا المجمع اللي قبال الباب الرئيسي لمجمع الصالحية بالدور الخامس 


مشالله كلنا ندري انه بعد شهرين جو الكويت يصير اينن انشالله فالقعده بره بالمطعم راح تكون وايد وايد حلوة و خاصة للي يحبون الشيشة 
جاسم ما يدخن بس يحب الشيشة بين فترة و فترة فاكيد و اتوقع انه راح نزور المطعم 


مشالله الترحيب و الإستقبال مو غريب على اهل لبنان  من مدير المطعم الى الموظفين 
و ما قاصر صاحب المطعم بو أحمد بعد يانا و سألنا عن راينا و اذا كلي شي عاجبنا 




اخليكم مع الصور و راح اشرح لكم اكثر 

A new Lebanese Restaurant located in Noor Alsalhya complex in front of Al salhiya Mall -5th floor 
a must try :) 






ديكورات المطعم صايرة مودرن حلوة بس شخصيا مو موايد عجبتني بمكن بعد وقت النهار الأجواء تختلف اتوقع

بس الكراسي وايد وايد مريحة 



هذا الرووف و المنظر من الرووف 
القعده وايد وايد حلوة و حدي ناطرة يبرد الجو عشان اكل بره 





الضيافة  بالبداية  تمر و قهوة 





 جاط الخضروات 
طبعا هذا حبيب الأمهات كلهم  انا امي تحب المطاعم اللبنانية لأنهم يحطون الخضره كامله جذي 



تتميز المطاعم اللبنانية كلها بالمقبلات و انا مرات اصلا اطلب بس مقبلات ما اطلب طبق رئيسي كلش  

مقبلات سطيحة حلوة مشالله في يمكن جم طبق ما عجبوني بس ترى انا اتوقع تقيمي ما كان مضبوط لأنه الصراحة كنت شبعانة 



 حمص 



المتبل عجبني وايد وايد 






هذا الحمص لذيييييييييذ اسمه حمص سطيحة





 وطبعا الخبز الحار 




انا طلبت عصير الليمون كان شي شي خيالي 






بعدها وصلت الأطباق الرئيسية  و الصراحة ما قصروا  لأن قلنا حرام لا اييبون لنا اكثر 

الكباب بالكرز لذيييذ حدي الحين مشتهيته 







اروح له مره ثانية ؟؟؟ 

اي اروح 


For more info follow 

لمعلومات اكثر فولو 

@stayha


1 comment:

Ahmed Al Musallam said...

أنا العادة ما أحب المطاعم اللبنانية بس من الوصف و الصور شكله يبيله!