ابشري يا عين جابولي خبر
في حبيب الروح باجر تفرحين
علموني عنه قالوا ماقدر
واكشفت الايام شوقه والحنين
...
ناظري مسكين ماتم الشهر
عاذلي ولهان راجع للعليل
ياهلا به عد ماهل المطر
الحبيب اللي هويته من سنين
...
شوفته تجلي اهمومي والكدر
ضحكته والله تسر الناظرين
كامل الاوصاف محبوبي قمر
يسحر العشاق خده والجبين
...
أبشري ياعين جابولي خبر
في حبيب الروح باجر تفرحين
علموني عنه قالوا ماقدر
واكشفت الايام شوقه والحنين
من كلمات الإغنية نقدر نتخيل القصة ، زوجته زعلانه عليه و قبل لا تتم الشهر عند اهلها وصله خبر انها سامحته و بترجع لها ، كلمات حلوة و بسيطة و تدخل القلب و تخلينه نعيش بأجواء الحب اللي كان بين اللي يحبون ايام أول
مرة صار كلام انه ممكن واحد يحب زوجته هالكثر ؟؟؟ شرايكم انتو ؟؟ ممكن ؟؟
انا اتوقع اذا الزوجين ماكو بينهم هذا الحب القوي ؟؟ فمعناته انهم مو عايشين حياتهم صح ، لازم في شي ناقص
الحب عندنا ما نقدر نمارسه كامل الا عن طريق الزواج ، لأنه احنا مسلمين و هذا الحل الوحيد جدامنا ، و دام هذي فرصتنا الوحيده و الطريج الوحيد جدامنا ، ليش ما نعيشه صح ؟؟
لازم تتزوج او تتزوجين الشخص اللي يخليكم تحسون باحساس الحب الصجي ، انكم تولهون على بعض و اذا زعلتو من بعض لو انشالله عقب 20 سنة ما تقدرون تنامون ،وايد اتضايق من اللي عايشين برسمية او عايشين متعودين على بعض او عايشين عشان العيال
اذا ما راح اجرب الحب و الشغف و شعوري لما اشوفه اني استانس و قلبي يرقع و اذا زعل اتضايق ليش اعيش معاه ؟؟ انا بعيش بالدنيا مرة وحده و ابي اذا تزوجت اعيش الحب صح و ابي اعيشه بكل ما فيه
انا كاتبة افكاري يمكن صح او يمكن غلط
1 comment:
اذا الوحده راح تتزوج بالطريقه التقليديه ما راح تقدر تعرف ريلها عدل عدل ..يعني ممكن نقول نصيب ..بس همن الطرفين ممكن يخلون الحياه حلووه ..بس في بعض الرياييل عقلياتهم ما تتعاشر
Post a Comment