انا دعلة و حنانة

اعترف اني تغيرت وايد و حاولت اني اغير وايد من شخصيتي 

كنت وايد قلقة و متوترة مادري ليش بس هذا طبع من اطباعنا احنا البنات دايما متوترين 

تعودنا نسمع وايد انه الريال ما يسوي شي الا من بعد الحنة و لازم تحنين عشان توصلين للي تبينه لأمه يا ينسى يا ماله خلق 

و بس هذي حالتنا 

و نزعل اذا الريال عصب و قال بس مليت من الحنة  و تنصدم الزوجة انه ما يبي يقعد معاها و لا يبي يسولف 

ليش ؟؟ من الحنة 

عن تجربه شخصية انا كنت حنانه و دعله 

بس قررت شي 

قعدت افكر هل يسوى اني اخسره بمقابل الحنة ؟؟؟؟ بس عشان اييب شي او يسوي شي حق البيت ؟؟؟ 

طبعا انا ما اتكلم عن الأمور المصيرية 

اتكلم عن الأشياء العادية 

و الله و الله ما يسوى اهم ما علي راحتي و راحته ووناستنا و انه يتشوق يرد البيت عشان يقعد معاي مو ينغث 

بس شنو اللي صار ؟؟ تحولت الى انسنة باردة هههههههو اهو منصدم مني 

ترى اتضايق حدي حدي لما اسمع دايما 

الزوجة حنانة 

شتبي بالزواج عوار راس ؟؟!؟!؟ 

ليش الزوجة لازم لازم اهيا الغثى ؟؟ ليش دايما هذي الصورة المرسومة براسنا ؟؟ 

ما انكر انه في بنات الله يهديهم يحنون و صوتهم يلعلع و ما احب هالشي كلش 

نصيحة للزوجة 

لا تتهاوشين معاه انه ليش بالدوانية و انه ليش ما يرجع البيت 

ما اقول الغلط بس على الزوجات 

بس اول شي ارتاحي و اهدي عشانج مو عشانه و خفي من الحنة 

مثال 

انا احتاج منظرة حق تكرمون حمامنا و التاجيل طبعا من شهر 5 ههههههه يسوى اعصب ؟؟ لو قبل جم سنة جان عفسة و تهاوشت و حدي لويه 

بس الحين لا والله ما يسوى متى ما تفرغ و ياب المنظرة يابها هههههه 

ما يسوى ازعاه و لا اضايقه الصراحة و لا اضايق نفسي 

لازم تتغير هذي الصورة عن الزوجات والله بس اذا احنا ما غيرنا ؟؟ شلون راح يتقبلون الناس ؟؟