ااكيد كلنا بدواماتنا عندنا عاملات نظافة تكرمون لدورات المياه
للأسف و اقولها ان البعض ما يهمهم انهم يتركون المكان نظيف و ناشف ، اسفة على الموضوع بس هذا واقع يعني احنا بالدوام قاعدين نعاني من البعض اللي يدخلون و على اساس انه تتوضا للصلاه الحمام ينتلف ماي لي السقف !!شدعوة ؟؟
اوكي ميخالف اذا منتي انسانة تحبين النظافة خلصي و اخذي الممسحة و مسحي خل المكان ناشف وراج لأنه اكثر شي يضايقني اني ادخل و القى طبعات الجواتي مع
الماي على الأرض
انا وحده من البنات معاي بالدوام قالت هالشي انه هالممسحة موجوده عشان نمسح
الأرض ، الصراحة انا كنت انادي العاملة و اخليها تمسح
من سمعت كلام رفيجتي قلت ليش انشالله ما امسح ؟؟؟
اليوم بالذات انا كنت وايد متضايقة من وايد احداث سمعتها و شفتها بلأخبار و انا قاعده امسح جان اتخيل نفسي لو انا هذي وظيفتي ؟؟ او انا اللي امسح ورا الناس اللي ما يهمهم شي ؟؟
شنو شعوري ؟؟
الوضع اللي انا فيه مو مني ، اهو نعمة من الله انه خلقني انسانة اسمها مروة و عايشة بالكويت و بين اهلي و تعلمت ودرست و اشتغلت
كل هذي نعم من الله مو مني
الحمدالله على كل حال و يارب ترحمنا كلنا
No comments:
Post a Comment