صباح الخير
من الأشياء اللي يمكن انه ما يكتشفونها المتزوجين في فترة الخطبة ،و الملجة اهو المود الصباحي
كل شخص عنده مزاج و مود الصبح ،في ناس يقومون من الصبح بنشاط ووناسة و ناس يقومون بعسارة و ناس ما يتكلمون
انا نوعي عسره الصبح و دعلة
بس اشوه هاليومين شوي اقوم بمزاج ههههه
انزين اللي توهم متزوجين شنو يسوون لازم ؟؟ الصراحة مادري بالضبط بس اتوقع احسن لهم خل يقولون حق بعض عشان لا يصير سوؤ تفاهم
لا تمثلون خلكم على طبيعتكم
في ريايل يمكن ما يحبون يتكلمون فلازم تستوعب الزوجة انه مو حاقرها بس ما يبي يتكلم
و نفس الشي البنات
انا بعد لين اوصل الدوام احس مابي اكلم احد الا عقب ما اشرب قهوة
مالي خلق
اهو صج فرق لما تقوم من النوم و انت تضحك بس بعد الواحد ما يقدر يغصب نفسه
عاد اليوم ج مادري شفيه ههههه شوي مستعسر على منفس
عاد انا ضحكت بويهه و كلمته لما وصلت الدوام جان تعدل المزاج
و صباح المزاج
No comments:
Post a Comment