تبون تعرفون الصج عن الزواج ؟

من فترة و انا و ابي اكتب بس مشالله كل يوم ايفينت و عزيمة و ما اقدر اني ما احط بالبلوق عنهم ، و ترى مو متضايقة بالعكس وناسة بس ودي ودي اكتب

اذكر انه من الأسباب الرئيسية اني بديت اكتب بالبلوق ، الصورة الغلط اللي قاعدة توصل للشباب و البنات عن الزواج

كنت ابي اطلع الصج ، بدون لا اقول كلام قريته بكتب او سمعته من ناس مختصين

صورة الزواج للأسف مو حلوة عندنا ، عشان جذي الناس تستغرب من الأشخاص المتزوجين اللي عايشين حبهم بكل مكان

دايما نسمع هذي الكلمة : الزواج مسؤلية و الزواج مسؤلية ! ندري انه مسؤلية ؟؟ اصلا حياتنا كلها مسؤلية ليش يخلون البنت و الولد يدشون الزواج و اهما حاطين فبالهم انه خلاص الوناسة و الراحة انتهت و بس بدت المسؤولية و الهم و ضيقة الخلق !!!

للأسف محد يقول الشي ، الشباب بالدواوين يتكلمون عن الزواج چنهم عايشين بسجن و كله مشفوح و مو شايف خير ما چنه زوجته حلوة و مهتمة بنفسها ، تلاقي المو متزوج خلاص يكره الزواج

و تنرفزني المتزوجة اللي لما تشوف بنات مو متزوجات تقعد تقول اريح لكم خلكم جذي الزواج هم و شتبون بالرييل !! حبيبتي ليش انتي تزوجتي اصلا اذا هذي نظرتج ؟؟

الناس عندنا كله عبالهم الاوادم يحسدونهم !! عشان جذي ما يقولون الصج

و في شخصيات اللي عاشوا تجارب فاشلة و تقعد تعمم انه ماكو شي اسمه حب و اذا شافت اي اثنين مرتاحين بزواجهم قالت عنهم يمثلون

للأسف هذي نظرتنا ، ليش اذا شفنا أجانب ، واحد ماسك زوجته و يمشي و لا حاط ايده على چتوفها ، واااي ننبهر و نقعد نقول الله كيوت ووناسة و تخيلوا عاد كل اصوات الوناسة تطلع من البنات ، بس خل يشوفون كويتين !!!!! ما يبقى كلمة ما يقولونها !!! راح يقولون تمثيل ، راح يقولون انه عندهم مشاكل داخل البيت و وايد اشياء .

اللي يضايق انه هالكلام نسمعه من الجيل الصغير !! اللي المفروض يكونون متفتحين بس ماكو فايدة .

اليوم سمعت كلام من صديق قالنا انه الشخص اللي ينتقد يا انه مو قادر يسوي الشي اللي تسويه او انه مو عارف شنو هالشي و كنا نتكلم وقتها عن اللبس .

بس احس انه هالفكرة تنطبق على كل شي ، اللي تنتقد اي زوجين مرتاحين ، يمسكون ايد بعض او يصورون و يحطون صورهم بانستغرام او عندهم مشروع مع بعض او زوج قاعد يشجع زوجته بموضوع الدراسة او بوظيفتها

اي وحده تنتقد !! يا انها ودها تعيش هالشي بس مو قادرة ! او انها ما تدري شنو هالشي " الحب" حتى لو كانت متزوجة .

الزواج شي وايد حلو اذا الشخصين خافوا ربهم فبعض و حبوا بعض و تفاهموا و اذا تعاملوا ما الناس اللي بس تنتقد و تدور العيوب أنهم ناس مختفين ، هوا شي مو موجود

ودي اقول حق الشباب لا تخافون من الزواج ، بالعكس تفاهم مع البنت بالخطبة و لازم تختار الإنسانة اللي تناسبك مو اللي تناسب خواتك و أمك

و البنات بعد بعضهم لازم يغيرون تفكيرهم شوي لاني انصدمت انه في بنات ما يرضون يمسكون بأيد أزواجهم اذا كانوا طالعين !! عشان لا يتكلمون عنها الناس ! خل ينفعونج الناس اذا زوجج دور و طالع غيرج

و عفية لا تشوهون صورة الزواج عشان بس خايفين من العين الله الحافظ انشالله

اخر شي بقوله

الحمدالله على نعمة الحب

- Posted using BlogPress from my iPhone