اليوم مادري شنو اللي خلاني اقعد اقرا مواضيع البلوق القديمة
و الله انها كانت ايام تينن ، المواضيع غير و الناس اللي يعلقون وايد ، لأنه كان الكل يقرا البلوقز
في بلوقرز لي الحين موجودين الحمدالله و في بلوقرز خلاص مسكرين بلوقاتهم
وايد حبيت و حسيت و تذكرت كل شي و انا اقرا المواضيع صج كانت مذكراتي و حياتي كلها بالبلوق
مواضيع سنة 2007 حسيت فيها اني ياهل بشكل غريب ههههه وايد التفكير غير و العفوية اللي كانت عندي و انا اكتب كل شي بدون ما افكر و احاتي وايد وايد ارتحت
الشي اللي خلاني شوي اتفاجأة انه كان في تعليقات من
Anon
مزعجة واااااااايد !!! و كلام صج صج يضايق و تقريبا نفس الكلام اللي سمعته من فترة و سبب لي شوي مشكله
هل ممكن انه يكونون نفس الأشخاص بس انا ما انتبهت ؟؟
اللي ونسني انه بذاك الوقت انا ما همتني تعليقاتهم و كملت بالشي اللي احبه الحمدالله
و هالشي راح يعطيني قوة كثر اني امشي بطريجي لأن على الأقل انا قاعده اسوي شي
واااااايد استانست وكنت ابتسم و انا اقرا
عشان جذي تذكرت كلمة زميلة بمجال السوشال ميديا تقول مهما تطلع اشياء
انستغرام و تويتر و ما يندرى شنو بعد
يبقى البلوق اهو الأساس
وايد احب بلوقي ووايد احب اكتب فيه و لما اقول اكتب معناته اكتب صج مو احط رايي بمطعم او هدية او محل
ولهت
يمكن صج مثل ما يقولون وايد بلوقرز الحين و خاصة اللي صارلهم سنة او سنتين
انه الناس قامت ما تقرا
صح الناس قامت ما تقرا بس مو كل الناس في ناس لي الحين يقرون و في ناس وخروا عن البلوقز الكويتية لأنهم يبون يقرون
ايام حلوة الصراحة و من احلى الأشياء اني دايما ذاكره ج ووقفته معاي
معقولة لهدرجة يأثر اذا شريك حياتك كان معاك ؟؟ شكثر هالشي يساعد انك ترسم طريجك ؟؟
بالنسبة لي وايد الحمدالله
يارب تتمم علي يارب
و تسعد الناس اللي صج قلوبهم بيضا و يبون الخير
2 comments:
i never used to read ur blog cuz it was all arabic yet you were very old blogger like me, but now for some reason im starting to love reading your thoughts in arabic hehehe t6awart... before i used to love reading blogs cuz i used to write alot, but now i just love looking at pictures without reading, and that's why i dont usually write too much cause i know people nowadays dont like reading long sentences:( my husbands knows i blog since after two months of relationship and el7mdulla he encourages me strongly to keep blogging to keep things in memory :) yet i really miss reading bloggers thouhts and feelings etha 9j subject is 8aweya hehehe
من قبل مآآبدي بآلبلوق كنت آتآبعج حيل تعجبني موآضيعج ليلحين آدكر آيآم آلكلية آفتح بلوقج وآقرآة حيل مريح ويتكلم عنج حيل صريحة وعفوية وهآلشيء حيل حلو ويميز بلوقج وآستمري وآلله يسخركم لبض ويخليكم لبعض يآرب
Post a Comment