ٍPic Credit Link
يعني امس الصراحة كان عبارة عن فلم ، شلون قمت ؟؟؟ فتحت عيني على صوت الباب بشقتي لما ج كان راد من الدوام
انزين و انا دوامي وينه ؟؟
ماكو ؟؟
المهم شلونكم مع الغبقات ؟؟
السنة لاحظت انه الكل يتكلم انه عدد الغبقات زايد ، الكل ما عنده وقت و الكل عنده مواجيب
وايد يشكون انه السنة ما قعدنا بالبيت
للأسف انا شخصيا اعترف انه رمضان بالنسبة لي صار متعب من اول رمضا لي الحين و انا افكر
اشتري هالدراعة و لا ما اشتري جم غبقة راح تحوشني و مادري شنو و لويه و الصالون الفلاني و شعري ابيه جذي و لويه لويه و تفكير مو صجي
انزين و الأساس ؟؟
اقول الصج اني شوي مقصرة
و الله وايد مقصرة
احنا متعبين و شعب نحب نتعب عمرنا
قاعدين نشوف مستوى الغبقات وين قاعد يوصل
اهو وناسة و الناس بره الكويت قاعدين ينبهرون باللي يشوفونه عندنا و خاصة بانستغرام
بس صج ؟؟ تعب
و لا شرايكم
وااااي يحلوهم الشباب لما نشوف غبقاتهم و لا بعد يصورون بانستغرام
فارشين بلأرض و قاعدين و مبتسمين مشالله
الله يتمم عليهم
1 comment:
hehe i love ghabga but not tooo much crazy, I have been invited two ...one i cancelled and the other i'll go, it's just too much, plus travelling soon so yeah i still have other ghabga again and i have to go :( no time for packing... but why saloon whatever, just do at home/... BTW i loove ur blooog
Post a Comment