Saturday, July 13, 2013

قبل لا اتهاوش ..... اعد من 1 لي ال 10

 
 

 
الهوشات و النجرة بالزواج شي طبيعي لكن اذا الشي زاد يصير وايد بايخ و المشكله اذا مرات الواحد يقط كلام ما يسوى بس هالكلام ممكن يجرح و بعدين نقعد نتحسف
 
 
لازم اعترف احنا البنات دايما متسرعين و انا هني اتكلم عن البنات اللي نفسي اللي منعوده على ان العلاقة بينها و بين زوجها ماكو حدود و انا ما اعرف اخش عن ج شي و بنفس الوقت ما اقدر اخش مشاعري
 
يعني حتى و انا معصبة لازم اخليه يدري اني معصبة
 
 
 
و طبعا الهوشات تصير وايد غبية لأني اتهاوش و اقط حجي و اخليه يعصب و بعد اقل من خمس دقايق اتحسف و لأني من احط عيني بعينه خلاص ما اقدر لازم اضحك
 
 
بس مرات الكلام يضايق و فكرت ليش اضايقه ؟؟ قعدت احاول اني اعلم نفسي اني امسك نفسي و ما اقوله شي يضايق
 
خصوصا انه من فترة وايد شغلات ضايقتني من بره ليش انا اضايقه بعد ؟؟ لازم نكون على قلب واحد و لازم اكون واقفة معاه
 
 
 
جم مرة اكون معصبة و ابي اقوله شي او ابي اقوله عن كلمة انقطت علي مني فلانة او علانة او سمعت سالفة تضايق
 
 
افكر اقول اذا انا معاه مرتاحين ليش اخرب هالشي ؟؟ امسك نفسي و اعد من الواحد لي العشرة و القى نفسي اني طخيت
 
 
 
صج مرات ما اقدر يفلت لساني و اتحسف الصراحة بعدها و شعور التحسف اهو اللي يضايق
 
 
بس و الله انفعت معاي هالطريقة
 
 
لأن صج ماكو احد يسوى بالدنيا عشان اخلي ج يتضايق او اخرب شي بيني و بينه
 
 
 


No comments: