Sunday, June 16, 2013

Life After Marriage post : لي متى ما عندكم عيال ؟؟





اللي يعرف بلوقي من اول ما بديت ، اكيد قرا وايد عن هذا الموضوع ، مو شوي وايد تكلمت فيه ، بس اكيد في ناس توهم متابعيني عشان جذي  راح اكتب بنفس الموضوع . لأن وصلني سؤال من وحده في تويتر مع اني قررت اني ما ادخل تويتر بس وصلني بلإيميل . سؤالها كان شلون قادرة تواجهين اسئلة الناس بخصوص موضوع وايد حساس بالنسبة حق وايد و اهو موضوع العيال ،اهي مزوجة من 4 سنين ووايد متضايقة من اسئلة الناس .




أول شي  لازم نفهمه كلنا انه اسئلة الناس ما راح تخلص ، و هالشي الكل يواجه ، بس اكثر اسئلة وده الواحد يقول حق اللي جدامه انت شكو ؟؟؟؟ اهو اذا سألوا وحده مو متزوجة :ليش ما تزوجتي ؟؟؟؟ و المتزوجة : ليش ما حملتي 



ما راح انكر هالشي قبل 4 سنين كنت اتضايق و يسبب هالسؤال ازمة  لكن الحمدالله بعد قرارات معينة خذيتها بحياتي الموضوع نهائيا ما ياثر فيني و يمكن بعد الناس خلصت فقدوا الأمل فيني عشان جذي صدوا لووول 


اول شي الموضوع لازم يكون مشترك بينكم انتوا الأثنين ، مالي شغل بلأسباب  بس اهم شي يكون بينكم حوار و تكونون متفقين


انتوا مستمرين في محاولات و علاج ؟؟ 

او انكم  خلاص اتفقتوا انه الحمدالله اذا الشي بيصير راح يصير من الله ؟؟ 


انا اتكلم عن وضع يكونون فيه الزوجين متفاهمين مو واحد يبي و الثاني ما يبي ، او وضع الريال اللي كل يوم يهدد زوجته باخذ عليج و من هالسوالف 


قبل لا تفكرين شلون تردين على الناس انتي من داخلج لازم تكونين واصلة مرحلة من الإقتناع و الإيمان 


اسئلتني اذا في اشياء معينة اسويها  


قولي الحمدالله على كل حال و قوليها و انت مقتنعة 

لازم تكون علاقتج مع ربج قوية تبين اي شي  متضايقة من اي شي قوليه بالصلاة و راح ترتاحين 

راح اقول شي  يعرفونه المتزوجات و هالشي لا اهو عيب و لا حرام بس اللي يتضايق لا يقرا : بعد ما تغتسلين من الدورة و تصلين  ، صلي صلاة استخارة و ادعي فيها اذا كانوا العيال خير لج انشالله اللي يرزقج و اذا كانوا شر اللي يبعد هالشي عنج و طبعا انتوا عارفين دعاء صلاة الإستخارة  و بعدها عيشي حياتج الزوجية بشكل طبيعي و امشي على جدول الأيام اللي يعطيج اياه الدكتور اذا كان كل شي عندج منتظم 


عيشي حياتج انتي و زوجج و اهتمي بنفسج و صحتج و شكلج  و خل يكون عندج اهداف و هوايات لا يصير بس هالشي تركيزج 


استمتعوا بكل لحظة و دقيقة لأنكم لي الحين انتوا بشهر عسل (اذا انتوا تبونه يكون شهر عسل)ووالله هالشي راح يبين عليج وايد 




بعد ما تخلصين من كل هالأشياء  سؤال الناس ما راح يحرك فيج الشي 

شنو جوابج لازم يكون ؟؟ 

ان شاء الله 

كل كلمة تنقال لج قولي 

ان شاء الله 


و راح يحنون و قولي الله كريم و انتي مبتسمة  و بس غيري الموضوع 


اهم شي انه انتي تكونين مقتنعة بالشي اللي تسوينه و لا تخدعين نفسج  ،اذا انتي مو راضية و موضوع الإنجاب مسبب لج ازمة هالشي ما راح يمشي معاج 


ودي اكمل و اكتب اكثر بس ياني شغل بالدوام 


الله يوفق كل اثنين مع بعض و يزقهم اللي يبونه 

و انشالله يا رب تتغير عقلية مجتمعنا يا رب 

3 comments:

surprise & more said...

براڤوووو عليچ وعسى ربي يحقق لچ كل امنياتچ ويوفقچ

MEMOQ8 BloG said...

Ahhhhhh marwa really i like your posts about marriage life :* ambeeeh nfs altfker o nfs al6reqaa���� enshallah allah kreem ... O rby urzqch elly eb56rech ua jmeel ua rsheq ��

Fatemah said...

You're 100% right. People will never stop asking. I didn't get pregnant right away because I wanted to finish my studies. They knew the reason but kept nagging and rumours were spread. After I finished my masters I got pregnant and il7imdillah I have a 3 year old angel. But now they are nagging when are you getting pregnant AGAIN!