Thursday, June 13, 2013

تسلمون و لا لأ ؟؟




من احلى الأشياء اللي احبها لما اروح ايفنتات اني التقي بوايد ناس 

 و هالشي يونسني وايد لأن مشالله اللي قاعده اشوفه انه شباب و بنات الكويت يهبلون  

شطار و يشتغلون من قلب و مبدعين بعد 

اكيد في ناس يصيرون غريبين ، فجأة يسلمون و مرة ثانية ما يلقوني ويه !! مادري ليش ؟؟ 


انا اللي علي اسويه اني رايحة مكان و بشوف ناس  شي طبيعي اني اروح لهم و انا مبتسمة و اسلم عليهم 

انا كنت من الناس اللي ما ابادر  بس  الحين وايد مرتاحة  اروح اسلم و اللي يبي يصد الله معاه 


منه اخذ اجر و بنفس الوقت شي زين لي 

خصوصا اذا كنت رايحة و معاي ج ادري البنات ممكن ينحرجون فشي طبيعي انا اسلم 


السلام يهدي النفوس و هالشي انا حسيته 

لكن  في ناس تحسون اذا شفتوهم حتى السلام مو ودكم تسلمون عليهم صح ؟؟بهالحالة شلون ؟؟ 


المفروض اني اصير احسن و اتعامل بأخلاقي و اسلم 

هممم شرايكم 

1 comment:

This isn't over yet said...

أكيد الواحد لازم يبادر و يسلم على الناس, بس لا يعني أنج أنتي اللي تبادرين و تسلمين عليهم أول ...
يعني اللي يبي يسلم راح يسلم لأن السلام مافيه أي إحراج, و اللي يمكن شايفج أول ما دشيتي المكان و ما سلم الله وياه لأنج مو مجبورة تلقينهم ويه :)