تعلمنا الحياة دروس و كل ما نكبر ننضج اكثر
مر علي موقف خلال الأيام اللي فاتت و كنت انا الوحيدة اللي اقدر أقرر ممكن اني احوله لشيئ إيجابي او شي سلبي بس اهم شي اني اعرف اني صاحبة القرار
اكيد شفتوا الأحداث اللي صارت في تركيا و انا رجعت قبل الأحداث بچم يوم ، مثل ما تعرفون في فئة في مجتمعنا متعودين على الانتقاد و الكلام اللي يجرح بدون ما يفكرون فوصلتني بعض التعليقات من ناس : هااا شسويتي ، قبستي ، عفستيهم و من هالكلام اللي كله بالأخير يبين لي شخصية هالناس . بس بالمقابل و لله الحمد لقيت وايد وايد ناس كان كلامهم : الحمدالله الله حفظكم ، الحمدالله انتوا توفقتوا و الحمدالله على سلامتكم
انا بعد ، ترى كان ممكن اني افكر مثل التفكير الأول !! بس الحمدالله من بعد التجارب اللي مرت علي انا تعلمت وايد اشياء غيرتني للاحسن و خاصة هذي السنة
اول شي انا ما اسافر اي مكان الا و انا مستخيرة ، و الحمدالله يارب انا نويت السفرة عشان امي أبيها ترتاح من بعد عزا خالتي الله يرحمها
الله يعلم شنو كانت نييتي ، و الحمدالله انا مستخيرة ، عشان جذي الله وفقني و كانت السفرة خير لنا انا و امي و ارتحنا وايد و استانسنا و كل شي صار بعد ما رديت .
الله سبحانه و تعالى كاتب انه هالاحداث راح تصير بتركيا و الله سبحانه كاتب اني راح اكون بإسطنبول ، من رحمة ربي فينا ان الأحداث صارت بعد ما رجعت ، كان ممكن انها تصير و انا هناك ، صح ؟
بس ربي سبحانه يدري شنو بداخل قلبي و شنو كانت النيه ، كنت ابي امي ترتاح
الحمدالله يارب على كل حال ، الإنسان المتزن اهو اللي يحول كل الأحداث اللي تصير الى خير و هالشي وصلت له مو مني و له بيوم و ليله هالشي تعلمته من دروس الله سبحانه و تعالى يابها بطريجي عشان افهم كل شي و عشان اتغير
الحمدالله
- Posted using BlogPress from my iPhone
No comments:
Post a Comment