كاي انسانة طبيعية احاول كثر ما اقدر اني اتحاشى اي عثرات او صعوبات تواجهني بحياتي ،و كل انسان لازم يكون صادف حواجز صكت عليه الطريج ، مو شرط انك تكون صاحب مشروع و مو شروط انك تكون مركز بالعمل
ممكن انه الواحد يكون انسان عادي ماشي بحياته
طبعا كل هالصعوبات اهيا عبارة عن اختبارات من الله و امتحان لقدرات الإنسان
انا فيني نوع من الحنة المليقة ،كل ما يصير شي اقعد اقول خلاص انا مليت من البلوق و من السوشال ميديا مع انه صج صج لقيت نفسي بهذا المجال و مستناسة و مستغلة وقتي بشي احبه
و محد كان يسكتني و يزفني غير ج و يقولي ما عليج لا تهتزين و لا تخلين شي يغيرج
مع انه مسكين اهو المتضرر الأول من اللي قاعد يصير لكن مشالله تعجبني قوته و انه مو هامه شي و اهم شي نكون انا معاه مرتاحين
سبحان الله من اييني هالتفكير ، يصير شي يخليني ارجع اقوى
من اكثر الأشياء اللي تونسني و صج صج تخليني ارتاح لما اكون داشه في هذا الجو و اهو جو الإحباط
اني اصادف وحده من متابعين بلوقي
امس جذي صادفت انسانة جدا راقية و جميلة و قالت لي انها عرفتني منو انا
صج صج هالشي اللي صار وايد كبير و رد لي الشجاعة و القوة اني استمر
و ما امل من اللي قاعده اسويه لأني انا احبه و احب اسوي حق نفسي
الإحباطات و المواقف اللي تصير ما تزيد الإنسان الا اصرار و قوة
و الإنسان لما يحمد ربه على كل شي الله انشاءالله يوقف معاه و يسهل له الطريج
فخلاص كيفكم انا قاعده قاعده على جبدكم
لوووول
No comments:
Post a Comment