The Sunday Post يوم الأحد

How is the weekend ??mashalah mine was busy & full of activities . I posted about all what you can do during the weekend on Keek . In my next posts I will be posting about the events . at least I will be posting the photos , I am not going to repeat what my lovely friends (bloggers) posted already . so stay tuned

الويكيند اللي طاف مشالله كان وايد فيه لوية و ايفنتات 

يوم الجمعة الصبح الروتين الإسبوعي مالنا انا و جاسم انه من بعد الفير نروح نتريق في برايم اند توست  صار روتين و بنفس الوقت عشان نكسر ريجيمنا طول الإسبوع و احس خلاص تعودنا عليها 

بعدها كان موعدي اني اروح برج الحمرا عشان البطل العالمي كريس مكدوغل راح ينط من اعلى قمة بالبرج 

الدعوة وصلتني من شركة زين ما قصروا دايما يتذكرونا في مثل هذي الإيفنتات 

للأسف التنظيم كلش ما عجبني من الشركة اللي منظمة الإيفينت  لكن بشكل عام هلأشياء ممكن تصير 

عموما وناسه و حدث حلو وايد حق الناس اللي يحبون المغامرات 

بعدها بالليل قررت اني اروح قرية كويتي و افتخر مع امي  و مشالله مشالله الزحمة مو صجية  وايد وايد انا مستانسة على هالشي و هذا دليل على نجاح الملتقى 

بس الصج ما طولنا   من الزحمة 

يوم السبت واعدت رفيجتي و رحنا القرية الصبح 

للأسف للأسف  ما عجبني الوضع انه المحلات مو فاتحة من الساعة 10 

و هني عرفت ثقافتنا الكويتية لازم تظل موجودة انه ما نلتزم بوقت الدوام  و قالوا لنا انه  الغالبية يفتحون من بعد الظهر 

رحت بعدها معرض 

PLTQ8 

الثاني اللي بالصالحية بلازا و انشالله راح احط لكم التفاصيل 

*****************************************************

اعتقد كلكم سمعتوا عن الحادث اللي صار فجر السبت في صبحان ، و اللي توفى فيه واحد من الشباب و مجموعة من الشباب دخلوا المستشفى و السبب السباق الغير قانوني اللي يسوونه بهالشارع 

جاسم من الشباب اللي يروح و يشوف هالسباق ، طبعا الشباب ما عندهم مكان يمارسون فيه هوايتهم لكن هذه مو عذر لهم انهم يسابقون بالشارع 

سبحان الله جاسم بهاليوم ما راح مع انه كان بيروح مع ربعه 

حمدت ربي و شكرته و لي الحين اقول الحمدالله انه ما راح ، الواحد ما يدري شنو اللي كان راح يصير 

اللهم لك الحمد يا ربي 

انا دايما اقول حق رفيجاتي احنا محتاجين الله سبحانه و تعالى  و دايما اقولهم انا في اشياء ابيها و اكثر من مرة اكرر 

انا مابي رزق و فلوس و عيال و غيره 

مثل هلأشياء اهم عندي  انه الله سبحانه يلطف فيني و ما يفجعني بالناس اللي احبهم 

الحمدالله و الله يرحم اللي توفى و يغفر له و يشافي الجرحى يا رب