مع كل الاشياء المتطورة اللي عندنا ، و اللي تلهينا لدرجة انه مرات ننسى نسوي الاشياء الأساسية بسببها و هم موضوع الملل موجود
الصراحة العلة فينا احنا ، الواحد اهو اللي يقرر اذا يبي يحس بملل او لا
تويتر و انستغرام و بلوقز و إنترنت و قنوات تلفزيون و أفلام كل هذا بالبيت و اذا نبي نطلع كل شي موجود ، ما اعتقد لازم نييب طاري الملل !!
من السوالف اللي ضحكتني و هالشي حق المتزوجين ، انه في وحده قالت لي لازم تيبين ياهل لان بعد ٦ شهور من الزواج راح تحسين بالملل !!! يما ليش الكآبة ؟؟ اذا واحد بعيش معاه و بحس بملل الصراحة بالأساس لازم ما اعيش معاه !!!!
و شلون راح امل منه ؟؟ و ليش اصلا أخلي هالفكرة فبالي !!
و الياهل اذا راح يكون عندي مو عشان يقتل الملل لانه مو لعبة ؟؟
الشي هذا يعتمد عليكم الزوج و الزوجة اذا من عقب سنة حسيتوا بملل من بعض لازم لازم تشوفون وين المشكلة
العلاقات الزوجية التقليدية غالبا ما يحوشها ملل و اهيا اللي تكون العلاقة بين الزوجين حقوق وواجبات بس .
يالله مابي أحد يقول ملل اوكي
- Posted using BlogPress from my iPhone
No comments:
Post a Comment