كنت دايما الوم أمي على انها ربتنا على اساس انه اللي يغلط عليكم قولوا له الله يسامحك
لما كنت اشتكي لها يما فلانه قالت لي جذي بالمدرسة او فلانه سوت لي جذي
كانت ترد و تقول ميخالف الله يسامحهم
كنت وايد احتر و مع انه اشوف انه امي مشالله عليها شخصيتها وايد قوية ليش بهالسالفة و هالمواضبع بالذات لازم اسكت و اوقول
الله يسامحهم
و لما كبرت و دخلت الجامعة و اشتغلت قررت اني اتغير و لا ما اسامح و لا اسكت و اخذ حقي بيدي
و لما تزوجت خلاص صار عندي استقلالية كاملة او انا اعتقدت جذي
اني على كيفي و راح ارد و ما راح اسكت
لكن اكتشفت بعد ما صادفت نماذج وايد من الناس اللي نفسهم طويل بالنجره اني لا ما اقدر اجاري لأن ممكن ينزلون الى مستويات
ما اقدر اواجها لأني ما تعلمت و لاشفت بحياتي شي جذي
اكتشفت انه اقوى شي و اصعب شي
اني اقول الله يسامحكم
فهمت الحين ليش امي كانت تقول الله يسامحهم لأن هالشي اصعب من انه الواحد يرد و يواجه
فقررت اني اسامح بس مشكلي ماني قادرة اني اسامح بشكل كامل
بس صج لا الكلام قوة و لا النغزات بالحجي قوه
القوه اني اقدر اقول الله يسامحهم
قولوا لي قدرتوا ترتاحون ؟؟ لما جربتوا هالشي ؟؟؟
1 comment:
It's very hard , usually I'll try and I'll fail then I'll just let the demons loose.
Post a Comment