انا و شهر مارس

و دشينا الحمدالله شهر 3 

مشالله 3 شهور طافت من السنة اليديدة ما حسينا فيها ، وايد مشالله صارت اشياء انشالله كلها زينة 

انا خذيت قرار بالتغيير و الحمدالله ماشية عليه و الله يعيني اني اكمل 

قاعده احاول اني اغير نظرتي للأمولا و احاول اني اشوف كل شي خيرة و بمصلحتي 

الحمدالله  الحمدالله كل شي تعبت عليه و عطيته من وقتي قاعد اشوف نتيجته  و اكيد ماكو نجاح من غير صعوبات بس الحمدالله قاعده احاول ابتعد عن كل شي سلبي عشان لا يوقفني هالشي 

الدروس مكثفة ب 2013 وايد 

و الحمدالله قاعده اتعلم وايد و اعدل من شخصيتي وايد 

عندي وايد مواضيع احتاج اكتبها و انزلها بالبلوق و انشالله راح تعجبكم 

احب بلوقي و احسه جزء مني و راح اظل اكتب فيه لأن شي مرتبط فيني ،يمكن الناس  الحين ما قامت تقرا البلوقات مثل اول ما بديت ب 2006و انستغرام قام ياخذ وقتنا وايد لكن انا بالبداية يوم سويت البلوق ما كنت متوقعة ابدت احد يقراه 

و ج من اكثر الناس اللي واقفين معاي و مشجعيني وايد ، تصدقون انه من الشغلات اللي ضايقتني انه في اسئله و كلام انه ليش قاعده اصور مع ج و ليش قاعده اييب طاريه 

و من الحجي اللي ينقال بسوالف شاي الضحى : متحكمه فيه و ساحبته و غيره من هالكلام 

شنو اسم بلوقي ؟؟ 

Life after Marriage 

و بدونه جان ماكو 

Life after Marriage 

اهو معاي و اهو شريكي اللي واقف معاي و انا بعد واقفة معاه و اسانده بكل شي  فشي طبيعي راح يكون موجود بالصورة !!!لا قاعده اتفلسف و لا امثل الحياة المثالية لأني انا مو مثالية 

عموما الكلام هزني جم ساعة و بعدين طاف لأن الكلام ما راح يخلص 

و الحمدالله  كل شي بحياتي قاعد يصير مثل ما انا  و ج نبي الحمدالله 

شهر 3 بدا و اهو شهر المناسبات 

اعياد ميلاد و عيد الأم 

بس انا احتفل فيه بعد بشي زيادة 

اهو العد التنازلي لعيد ميلادي 

2 ابريل 

الله يبلغنا يا رب :) 

يالله بديت من امس 

و الصراحة ابي هدايا 

:)