طبعا محاولات مستمرة اني اداوم مبجر ماكو فايدة خلاص لازم ارضى بلأمر الواقع المرير
المهم امس لما قمت من النوم بعد نومة العصر قعدت افكر بما اني شوي فاضية هلأسبوع ليش ما ارجع نفس أول
قبل جم سنة كنت دايما جذي باليوم اللي ما عندي فيه ارتباطات اطلع من البيت و اروح اقرب ستاربكس بس بروحي
مع كتابي او آيباد و اقعد
وايد وايد كانت ارتاح من هالشي
امس حسيت صج اني فاقدة هالشغلة وو الله قمت و خذيت اغراضي و رحت ستاربكس قراند افنيو
و قعدت فوق ووالله وايد مريحة و حلوة القعده
و الله انه لما تطلعين بروحج و تصدين عن كل شي حتى لو ما عندج مشاكل و لا عندج شي بس انج تقعدين بروحج و تقرين او بس تعقدين هالشي راح يخليج فرش
انصح الصراحة كل وحده تسوي هالشي
في شي لفت نظري بايخ
انه في ابو مع عياله صغار مشالله يمكن عددهم 6 يابهم و قعدهم و معاهم اعلام الكويت و لوية مشالله
اتمنى من الأهل انه يستوعبون شغله الكافيهات مو مكان مناسب لليهال و الله و انشالله ما تشتري لهم قهوة بعد !!
انا ما امنع ترى ، بس ميخالف روحوا قعدوا في بنك بيري ؟؟ بس انه الواحد مع يهال و يقعد بكافيه غلط هالشي
امبيه لا يمكن مو غلط بس انا مال خلق صيحة
:P
المهم كنت مرتاحة و ارتحت اكثر و وايد وناسة
نصيحة اخذوا بريك و طلعوا طلعة راحة بروحكم
No comments:
Post a Comment