Friday, February 15, 2013

كلام في الحب

اليوم عيد الحب ، أجواء الحب في الكويت مختلفة و متنوعة ، مع لوية الاستنكار و النكت و الضحك مع أشعار الحب و مع انتشار إعلانات المخابز و محلات الحلويات الكل يتنافس و المطاعم .

بالنسبة لي اليوم هذا له جو حلو ، ما نحتفل الصراحة ، بس الجو بشكل عام يريحني الكل يتكلم عن الحب ، أغاني الحب ، أفلام الحب . و ها لفترة الجو بالكويت اصلا حلو فيعطي إحساس بالحب .


بشكل عام ، يونسني ، أتمنى الناس يبدون يهدون و يبتعدون عن الكره و الكلام اللي يجرح .

أعيش الحب الحمدالله ، و يارب لا تحرمني منه ، الحب الصجي اهو الحب اللي ما يتعبك و لا ينزل دموعك ، الحب الحقيقي اهو اللي لما تحطين راسج على المخدة تنامين مرتاحة

بس الغيرة و الدموع و عوار القلب بالنسبة لي مو حب .

ما كنت فاهمة كلمة الحب تضحية ، بس فهمتها ، لما ضحى بشي مهم بس عشان يكون معاي أهني بس فهمتها .

يارب لا تحرمني ، أعيش حالة حب يا رب تستمر ، و تبعد من يحاول يخرب هالشي

يارب تسعد كل اثنين يحبون بعض ، لان ماكو احلى من زواج يكون أساسه الحب

من الأشياء اللي قررت اني أبدا اسويها ب ٢٠١٣ انه راح أهدي وحده من رفيجاتي شي بعيد الحب ما راح اقول منو إهيا و راح تكون لها مفاجأة و كل سنة راح أهدي وحدة غير انشالله و هالوحدة يكون لها تأثير مهم بحياتي

الحب إحساس يمكن اللي يعرفوني ينصدمون اني ممكن اتأثر بهالشي لاني معروف عني اني جامدة شوي

بس الحب بقلبي لك ج شي ما اقدر اوصفه


- Posted using BlogPress from my iPhone

No comments: