من دش الشتا و صار النهار قصير ، قمت ما انام حزة الظهر ، بس متى انام ؟؟ بعد المغرب و مرات بعد العشا هذا و اذا ما وراي شي او طلعة ، بس هالشي متعب وايد ، امس قمت من النوم الساعة 10:30 بالليل و حده الوضع بايخ
ما انحلت مشاكل النوم شسوي ؟؟
يتني فترة كنت انام مبجر الصراحة بس ما عجبني الوضع
احس وايد اشياء تطوفني و بعدين قمت ما اقعد مع ج
يعني لما اسهر و انطره يرجع من الديوانية في وقت نقعد مع بعض لأن اذا كنا طول اليوم لاهيين او عندنا شغل
بكل الأحوال النوم المبجر ما ينفع مع المتزوجين الا اذا اثنينهم ما يسهرون
و مشالله اهو من يحط راسه على المخدة ينام و انا اقعد احوس لأني احب السهر
انا مبدعة بالناخير بالدوام ابداع مو صجي و قلت يعني سنة يديدة بتغير بس مادري
انشالله بحاول
No comments:
Post a Comment