صباح الخير
شلون اول ويكيند بالسنة اليديدة ؟؟؟
الحمدالله مر علي جميل و مريح
قاعدة احاول اتعلم اني اطبق الأشياء اللي قررت اني اسويها ب 2013
و منها اني اتفائل كل يوم ، حتى لو كان يومي فيه اشياء تضيق الخلق
بعض الأحداث اللي مرت علي السنة اللي فاتت كانت مزعجة شوي و لما اشوفها الحين اقول انه صج ما كان يستاهل الوضع اني اضيق خلقي و اتعب نفسيتي
السنة بكون انانية شوي
راح افكر بنفسي وايد وايد و راح احسب حساب بس حق الناس اللي ادري انهم يحبوني
ما راح اضيق خلقي انشالله
بس عاد مابي امثل و اقول خلاص بصير مثالية
لازم احتر و اعصب شوي
:P
من الأشياء اللي ونستني اني دخلت السنة الحمدالله بوزن يديد و بحياة يديدة
الحمدالله الحمدالله الحمدالله
اناي ما انجرفت و غلطت الغلطة و سويت عملية المعدة
الحمدالله يمكن مو قاعدة انزل بالسرعة اللي قاعدين ينزلون فيها البنات اللي مسوين فيها العملية
بس الحمدالله صحتي و شكلي و جسمي
وايد وايد مريحني و لما اشوف نفسيتي قبل لا ادخل الرياضة بحياتي و نفسيتي بعدها !! كلش ماكو مقارنة
الله يتمم يا رب
يقولون لي وايد ناس انه لا تقعدين تتكلمين انج مسوية دايت و انج تلعبين رياضة
انا ما اقدر ، احتاج التشجيع و احب احس انه العالم يشاركني انا جذي
و اذا على سالفة العين
منو بيحسد احد على ريجيم ؟؟ و بعدين الله الحافظ انشالله و انا مؤمنة بهالشي
انشالله استمر و مابي انصح بس اللي يشوفني راح يعرف شلون الرياضة غيرتني و شايفين النتيجة
الله يسهل علينا هالسنة و يتمم علينا الخير يا رب
No comments:
Post a Comment