لا لا مالي شغل بضمير الأمة السياسي
و لا لي شغل بالسياسة
تعرفونالرفيجات و الربع دايما يسمون بعض باسامي و القاب على ضحك
و الربع اللي يكونون وايد وايد مع بعض ما يزعلون ابدا من هالسالفة
انا رفيجاتي يسموني ضمير الأمة
لأني انا دايما اللي شوي اخاف اسوي اشياء و يحشوني تأنيب ضمير
ابدا انا مو احسن منهم و لا انا كاملة و اكيد عندي وايد اغلاط
بس في مواضيع انا اخاف و احتي عندها
و مرة تكلمنه و قلت لهم انا افكر اني لازم ما اسوي شي غلط لأن مثل ما انا ابي اشياء من الله سبحانه و تعالى لازم بالمقابل
انا اتعب عليها
مع السوالف و كنا قاعدين نضحك على سالفة و انا "ضمير الأمة"ساكت
لأني مو عاجبتني السالفة وقالوا انه الحين بتقول انا ابي اشياء من الله و كلامي اللي بقوله قبل
قعدت افكر
هل تفكيري غلط ؟؟ انه اذا في اشياء ما اتجرأ اني اسويها خوف من الله سبحانه اني ما احصل الأشياء اللي ابيها منه ؟
مادري بس انا افكر اني ما اقدر اطلب من الله سبحانه و تعالى شي و ادعيه و انا انسانة قاعدة اغلط و اعاند بالغلط ؟؟
اذا اي انسان جدامي انا غلطانه عليه او متهاوشة معاه لايمكن اطلب منه شي
شلون اذا الشي اللي ابيه من الله سبحانه و تعالى ؟؟ اكيد راح استحي ؟
و بعدين انا كان ودي انهم يعرفون انه لما اقول ابي اشياء من الله سبحانه و تعالى ترى مو فبالي اشياء مادية ؟
اللي ابيه شغلات ما اقدر اييبها لو عندي فلوس الدنيا و صحتي 100%بس اذا ربي ما رزقني ما راح اقدر اييبها
اولها
راحة البال
هذا الشي لو تكون حياتي كلها كاملة اذا الله ما اكتبه لي ما راح احصله
و هالشي بالنسبة لي نعمة كبيرة
الشي الثاني
اني اشوف امي و ابوي بصحة و عافية
و هالشي بعد مو بيدي اني احصله
الشي الثالث
انه علاقتي مع زوجي تكون زينة و انه الله يسخرنا حق بعض
و يبعد عنها الناس اللي تأذينا و يحمينا من نفسنا
و الشي الرابع
مابي احد قريب مني يموت فجأة و الله هالشي يتعبني
و ادعي ربي انه يحفظ كل احبابي
هذي الشغلات اللي لما كنت اقولهم اني ابي اشياء من ربي عشان جذي احاول كثر ما اقدر اني ما اغلط
ابدا ما كنت ابي اشياء مادية مثل الفلوس او العيال و غيرها من الأشياء
انا احس انه اكثر انواع الإبتلاء انه الواحد يوصل مرحله و يحس انه مو محتاج شي من الله سبحانه تعالى
و احنا عشان نتنفس بس
محتاجين رحمة الله سبحانه فينا
انا اشوف الموضوع جذي و انا قلت من قبل انا ماني كاملة
و اكيد عندي وايد اغلاط بس قاعدة احاول
اوكي ميخالف ترى حابة لقب
ضمير الأمة
:p
2 comments:
Wow, great blog.Really looking forward to read more. Really Cool.
rummybet1@gmail.com
Post a Comment