Wednesday, January 16, 2013

اصدقاء اللف و الدوران




الجو البارد مشالله كسرنا تكسر 


بس يالله على كثر ما نحن على هدوم الشتا و نبي نلبسهم  يالله يانا الشتا عدل 


هالسنة اليديدة قررت اني اكون واضحة ، بكل شي 
بعلاقاتي مع الناس ، و ما راح اجامل احد على حساب نفسي 

الحمدالله انا هالشي صار لي فترة اسويه لكن احتاج اني اظل عليه 

ما راح اجامل احد نهائيا 


اتضايق من تصرفات الناس اللي شغلهم لف و دوران و ما احب الكذب 




ايام الخطبة تكلمنا انا و ج و اتفقنا على شي مهم 

انه لازم نقول الصج حق بعض مهما كانت النتايج  و نكون واضحين 

و الحمدالله هالشي ماشين عليه و الله يتمم 


و الله الصراحة و الوضوح اهم شغلتين بأي علاقة  
مو بس بين الزوجين 



اول كنت اتضايق لما اكتشف وحده انها قاعدة تلف و تدور  بس الحين قام ما يهمني 

الواحد جم مرة يعيش ؟ و ما عندي استعداد اضيع وقتي على ناس جذي  عشان جذي كيفها 


قاعده احس انه محد يستاهل احتر عليه و اتضايق الا الشخص اللي يعزني و يخاف علي من قلبه 


و الحمدالله الله عطاني صديق اهو الأول الصراحة بين صداقاتي 


همممممم بس كلام فبالي ودي  اقوله 

No comments: