من تزوجت ، ج كلش ما كان حاب فكرة ان نحدد يوم معين للطلعة
كان يقول ما حبيت اطلع راح اطلع مابي احس انه واجب
في البداية ما كنت مقتنعة و كنت الا ابي انه يكون يوم محدد ، لكن بعدها اكتشفت انه احلى انه ما يكون يوم ملتزمين فيه
الحين من بدينا دايت صدف انه اليوم المناسب لنا احنا الإثنين اهو يوم الجمعة
و اهو اليوم اللي نقدر ناكل فيه
و الكويت مثل ما كلنا ندري الطلعة فيها ما تكون الا حق سينما او مطاعم
اللي متابعني بتويتر و انستغرام
راح يعرف انه برنامجنا تقريبا اسبوعيا بعد الفجر
نروح
Prime & Toast
نتريق فيه
و حده وناسة الوضع و لأن احنا الأثنين نحبه
و على وقت الغدا او العشا نطلع مكان مع انه احنا مو من محبين طلعة الويكيند بس الظروف خلتنا نطلع الجمعه
نحاول كل جمعة نشوف لنا مكان يديد و شي يديد نسويه
هالجمعة قررنا نقضي يومنا الفري
وين ؟؟
ترى مو مكان يديد و لا فكرة يديدة
بس يمكن انه احد منكم و خاصة المتزوجين يحب الفكره
خلكم متابعيني
بانستغرام
@newq8bride
و انشالله تعرفون شلون ووين بقضي يوم الويكند
No comments:
Post a Comment