كل تعب وراه نتيجة انشالله

via : Link

الحمدالله الحمدالله بينت نتيجة الدايت 

صج تعبت وايد بس بلأخير لما شفت النتيجة استانست وايد و احس صج اني مابي ارجع 

انا مشكلتي اني اضعف و ارجع و زيادة اني وايد اتحلطم 

هالمرة لما خذيت القرار كان مختلف ، ليش ؟ 

انه هالمره الضعف راح يكون شي صحي بدون حبوب و سوالف ريجيم و مساجات 

و الشي الثاني الإلتزام بالرياضة 

ترى الرياضة اللي اسويها مو الشي ترى اللي يسوونه محترفين بس بالنهاية لقيت نتيجة الحمدالله 

و ما خسرت و دشيت نادي ،  الرياضة كانت بالبيت عشان ما يكون عندي  اي عذر نهائيا 

المهم بلأخير اقتنعت غصبن علي انه الرياضة شي اساسي اذا ابي انه اكون بوزن مثالي و بصحة بنفس الوقت 

و اكون بقوة 

الصراحة لأن اغلب اللي حولي كانوا مسوين عمليات شوي تأثرت و كنت ابي الطريج السهل 

بس الحين لا ، الحمدالله الحمدالله اني ما فكرت اسويها 

اكتشفت الحين اني ابي صحة ، حق بعدين اذا كبرت 

الحمدالله شعري ما طاح و لا بشرتي اختربت و الأهم انه الجسم مافيه ترهلات 

يمكن وايد يقولون اهم شي لما نطلع و باللبس اشكالنا ضعيفة و انا كنت اقول هالشي مو مهم عندي 

بس طبيعة حياتي مع ج لا ما يصلح معاي اني اكون بجسم مترهل لأن سفراتنا اغلبها تكون سفرات بحر و تان وتحتاج جسم مشدود 

لازم اعترف ، لو ج كان من الريايل اللي يسكتون جان ما وصلت حق الشي اللي انا فيه ، كانوا يقولون لي وااي الله يعينج زوجج يتكلم و يعلق على موضوع المتن و الضعف و مو حلو الريال جذي 

بس اللي اقوله انه يتكلم و يقولي انا زوجته عشان اتعب على نفسي حق نفسي بالدرجة الأولى و حقه بعد  ، احسن من الريال اللي يسكت و يخش بقلبه و يقعد يتحسر على نفسه و يطالع بره 

او انه يقعد بين ربعه و يتكلمون عن اجسام الممثلات و غيرهم و لا تقولون لي الريال ما يهتم 

ماكو ريال ما وده انه زوجته تكون حلوه و رشيقة و مهمتمة بنفسها 

انا شخصيتي ما اقدر اتحمل و احتر الصراحة اذا طلعت معاه و انا متنانة 

و خاصة انه اهو رياضي و مهتم 

نصيحتي حق الريايل  تكلم و لا تسكت اكيد طبعا لا تضغط عليها ووفر لها البيئة المناسبة عشان توصل هدفها 

و نصيحتي حق البنات لا تهملين نفسج و خلاص احنا بزمن الجسم و الصحة شي مهم لا تقصين على نفسج 

ادعوا لي اكمل انشالله و استمر