أمس بطلعتنا الإسبوعية بلأفنيوز اوه لا عفوا
قراند افنيو
:P
و احنا قاعدين بغارييت و مندمجين نسولف ، فجأة يانا صبي عمره يمكن 4 سنين ؟!؟ مادري شوي ما اعرف اقيم الأعمار يمكن اصغر
المهم انا يانا لي طاولتنا جاني يقول
أبي ماي
تفاجأنا و اشوه انه عندنا بطل ماي يت
قامت رفيجتي و شربته ، حبيبي ميت من العطش !!و لا تيي المربية مالته تبي تاخذه و بعدين مشو
التفتنا نطالع و لا المربية بروحها و معاها 3 يهال و هالصبي اكبرهم !!شلون تقدر تتحملهم كلهم ؟
و بعدين طلعت مربية ثانية ومعاها بعد ثلاث يهال
قامت رفيجتي وودت لهم بطل المي و بعد قلبي قامت المربية و لفت على اليهال تشربهم ماي و مبينين انهم
ميتين من العطش ؟؟
الأم الحلوة وينها ؟؟ مادري الصراحة
اوكي مالج خلق و قاطتهم
عطيها فلوس توكلهم و تشربهم لأن مبين انه ما معاها شي كلش و احس انها بعد ميتة من العطش
مرات صج صج في امهات يبيلهم كف عشان يتسنعون
ترى انا عادي انه الوحده تخلي عيالها مع الشغالة بلألعاب و تروح تستانس مع رفيجاتها لأن ادري في وايد ريايل دعل اذا بتطلع زوجته يقولها ما تطلعين الا مع عيالج !!الحمدالله و الشكر
بس احط عند المربية فلوس و اعطيها موبايل تدق علي !
الصراحة قعدت افكر وايد و ضاق خلقي مو بس انا حتى رفيجاتي
لأن شكل الياهل وايد عطشان و لا شلون يروح حق طاولة ناس ما يعرفهم و يقول ابي ماي ؟
الله يهديهم بس
1 comment:
بالضبط واااايد يمر علي جذي انا اطلع ومعاي مربيه بس اعطيها موبايل واشتري لهم وهم اعطيها فلوس سبحان الله يصير شي شلون احصلهم بعدين ! في ناس قلوبهم ميته سبحان الله ولاشلون يهنا لها قلب تستانس وماتدري عن عيالها يبا انحاشت مربيتهم وخلتهم شلون بتعرف!!
Post a Comment