بدا الجو يتعدل الحمدالله و الكويت بالشتا جوها اينن
صج مرات البرد يدش بالعظم بس ميخالف عشان نحلل هدومنا الشتوية
و احلى شي هالفترة قعدة المطاعم
أمس طلعنا انا و ج لأنا من بدينا نسوي ريجيم شوي طلعاتنا قلت
كان الهدف من الطلعة انه ندور تكرمون جوتي
مادري شنو اللي كان طاري على بالي انه اكو
Gucci
بالصالحية !!مادري ؟؟
وصلنا الصالحية و نزلنا و لا ماكو مو موجود
خفت انزف طبعا بس الحمدالله هاليومين انا صارة هادية الظاهر كسرت خاطره
:P
و طلعنا و رحنا الحمرا لأن اقرب لنا
المهم انه الجوتي موجود بس مو قادرين نلقى المقاس مشالله مقاسه كبير
و نادر ما نلقاه
بعدها جان يقولي انه يبي يرجع الصالحية ويبي يتعشى ب
ليلى
ما كنت ابي اخرب عليه الصراحة و انا وايد مستانسة انه طالعين و اكلي بالبيت
قعدت معاه و كليت شوي مشاوي
القعدة بالمطاعم و الكافيهات بره بدت تصير تينن من بدا يتعدل الجو
و ماكو زحمة وايد و تغيير عن المجمعات
يالله غيروا بالويكيند و لا تطوفون الأجواء الحلوة
3 comments:
thanks bas ma giltee lina wain 9ayra halga3da :) ??
Abdallah: المطاعم قبال الصالحية بالظبط
Thank You :)
Post a Comment