" اللهم إنى أعوذ بك من زوال نعمتك وتحول عافيتك وفجاءة نقمتك وجميع سخطك"
الحمدالله على كل حال و على النعم اللي عندنا
ادعي هالدعاء و احمد الله و اتذكر النعم اللي الله منعمها علي
بس في مرات نعم ما احس بوجودها الا لما افقدها
من يومين صار سوء تفاهم بيني و بين اشخاص اعزهم
ترى مو هواش بس كلام انقط مني و مناك
انا اعترف انا مو كاملة و في اخطاء راكبتني من فوق لي تحت
اعترف ما انكر هالشي
و هالرفيجات يدرون بهالشي و يهمني انهم يتقبلوني كلي مثل ما انا
بالمقابل لازم تقبلهم
ما اقدر اقول انه ما يهموني و ما يهمني انهم يتقبلوني
مو شرط يتفقون معاي بس يهمني هالشي
لو ناس غيرهم اي اقول ما يشوفون شر و كيفهم
بس هالبنات بالذات غير يهموني
باختلاف الآراء و اختلاف الميول و الأولويات
يهمني اني ما اجرح
احاول كثر ما اقدر لما اكون معاهم
اكون انا وبس
بس مرات فجأء تقلب الحوارات عن البيت و الزوج و اليهال
و انا ما احب هالشي
و اذا ذكرت افضل اني اسكت ما اقول و ا اتكلم
انا معاهم ماخذه راحتي و ما في عندي الشعور اني اتفلسف و لا انا حياتي احسن منج
و لا انا عندي جذي
صارت لوية واحنا الحين في فترة هدنة
الإنسانة اللي فتحت لنا قلبها و بيتها اهيا اللي متضايقة
و من حقها لأنها تعبت
مادري شقول
بس صج حسيت
انه نعمة و راحت مني
بس انشالله ترجع لي
صديقاتي مهمين عندي و عمري ما ضحكت بقلبي على وحده فيكم بالعكس اللي بقلبي اقوله و لا عمري فكرت و تفلسفت بأشياء يمكن انها مو عندي
انتوا بقلبي و مهمين وايد
No comments:
Post a Comment