Tuesday, October 23, 2012

ما راح نتغير.....كويتين :(



ما ابي اتكلم عن اللي صار لأن مشالله الشعب كله خبراء سياسين و كفوا ووفوا 

و ان اساسا ما احب ادخل نفسي في هالموضوع 

الموضوع يتعبني نفسيا  و خلاني هالشي اني اخذ قرار و اسوي انفولو حق وايد ناس من الطرفين 
و الله مو عشان امور شخصية بس عشان ارتاح

الموضوع يأثر فيني و على صحتي 


امس ما قدرت امسك نفسي على شغلة معينة 

لاحظت انه خلال اليومين وايد ناس كانوا يكتبون بتويتر عبارات مثل 

اللي يقولون انه ماكلين و شاربين و عايشين بنعمة 

اكرمكم الله شبهوهم بالخرفان ، او يروحون يعيشون بجاخور و غيرها من الكلمات اللي بالنهاية 
المعنى انهم حيوانات 

من اقرا هالجملة اتضايق و الله 


 المجتمع الكويتي  فيه يعيشون ناس وايد بسطاء 

انه يكون عندهم السكن المناسب و ماكلين و شاربين و عايشين بسلام هذا من اهم الأمور اللي بحياتهم 

و اغلبهم ترى يكونون ناس كبار بالسكن 

اقول حق اللي قال عنهم هالكلام 
يمكن امك و ابوك و جدك و جدتك 

يحمدون ربهم على النعمة اللي عندهم لأن هذا الشي بالنسبة لهم اهو يحقق لهم الأمان و السلام الداخلي 

لما الله سبحانه و تعالى رزقك نعمة الثقافة السياسية والعلم و انك تكون شخص فاهم  ما اعتقد انه من حقك انك 

انك تسمي الناس حيوانات 
الكل يتهم الشعب الكويتي انهم شايفين نفسهم على العالم ،  هالمرة على نفسنا 
للأسف طول ما نظرتنا دايما حق اللي اقل منا دونية 
استغفر الله وين بنحصل التوفيق من الله سبحانه و تعالى 



الله يكتب اللي فيه الخير انشالله 

3 comments:

S said...

الكل له الحق ان يعبر عن رايه طالما يعبر بأدب و يتقبل الرأي المخالف و يفتح عقله لباب الحوار

للأسف أغلب التغريدات التلي شفتها كانت فقيرة الأسلوب

Anonymous said...

Er

Anonymous said...

متابعة بصمت أحب اختلافك .. سيدنا محمد عليه افضل الصلاة و السلام يقول :" من بات آمنا في سربه معافى في بدنه عنده قوت يومه فكأنما حيزت له الدنيا بحذافيرها"
النعم ماهي دائمة و امور مسلم بها حتى يقولون مثل الحيوانات هذا سيد البشر جمع لك الدنيا كلها ف هذي الثلاث اللي البعض يعتبرها واجب وحق طبيعي هذا و جحد النعم من اسباب زوالها الله يحفظ الكويت