اليوم صار 6 ايام من بدا اشتراكي مع
Calorie Control
الأكل وايد لذيذ و متنوع و مشالله الطعم حلو و نفس اختياراتي
ما راح امثل عليكم
مليت
و الله العظيم مليت ، المشكله اذا بقول حق ج هالكلام بيعصب علي
بس شسوي لازم انزل وزني و لازم اتحمل
وضع الريجيم مو وناسة
انا وحدة استانس على المطاعم و احب الطلعة
و بنفس الوقت احب اللبس و اللبس يبيله ضعف
أمس حلمانة اني قاعدة آكل قوزي
اي عيش و مكسرات و لحم و لوية
العقل الباطن
انا قاعدة امشي كل يوم 25-30 دقيقة
و العب رياضة خفيفة
صج صج جان زين اقدر اسوي عملية تكميم
لأن مشالله اشوف اللي مسوينها كلهك نتيجة الضعف سريعة و بدون تعب
انا قررت
هالشهر عشان ج و امي و ابوي
راح التزم بلأكل
بس اذا ما ضعفت ابي اسوي العملية
و على مسؤليتي
اذا محد فيهم راضي
الله يسهل بس قاعدة اقول الصج
مو وناسة الوضع
1 comment:
ومنو قالج التكميم سهل ومافيه تعب؟ بتتأزمين اكثر من الحين :) لانج حزتها صج ماراح تقدرين تاكلين .. اكثر من شخص اعرفه سواها ويقول لو ترد فيني الايام ما اسويها .. لان حبوب وفيتامينات .. وحتى اكل مثل الناس مايقدر ياكل :)
شخصيا نزلت 50 كيلو .. برجيم وتعديل نمط الحياة والاكل .. اهي فكره براسج بس لو تعدلينها .. بروحج بتمشين بالرجيم .. شيلي سالفة الاكل ضرورة من راسج .. شيلي سالفة انا اطلع عشان اكل من راسج .. الكويتيين كل تفكيرهم الاكل وعشان جذي السمنة زايدة عندنا .. شفيها لو طلعتي تمشيتي ورديتي بدون لا تقعدين بمطعم .. شفيها لو رحتي الزوارة بس كليتي سلطة وشوية عيش ؟
انا اشوف مطاعم الوجبات خرابيط .. لو انتي بروحج تاكلين الاكل الي تحبينه بكميات وايد اقل بيكون افضل حقج عشان ماتحسين بالتأزيم :)
لو تمشين شهر صح .. صدقيني بتتعودين ويصير عندج الوضع طبيعي .. محد فينا مايحب الاكل .. بس السؤال منو يقدر يمسك نفسه جدام الاكل :)
ونصيحة .. وخري فكرة التكميم من راسج دامها مو ضرورة :) لان نفسيتج بتتعب اكثر من الحين :)
والله يعينج على الرجيم
Post a Comment