على كلام الدكتور جاسم المطوع قبل فترة قال بتويتر
اللي عدوا ال 6 سنوات بزواجهم يكونون انشالله عدوا مرحلة الخطر و يتمنى لهم حياة سعيدة طول العمر انشالله
كلامه مضبوط 100%سبحان الله من نهاية السنة الثالثة تبدا الأمور بلإستقرار اكثر و اكثر
و هالشي الحمدالله صار لي و قلتها حق الناس اللي يقرون بلوقي و اسالوني انه تغير اسلوبي بمواضيعي لأن مثل ما قلت
اول سنتين بالزواج يكون الوضع لوية
لكن بعدها تبدأ تستقر الأمور و تمشي الحباة بدون تقلبات الحمدالله
من الأشياء الحلوة اللي تصير بعد هالسنوات ، انه خلاص يكونون الزوجين فاهمين بعض
سالفة التوتر اللي تصير قبل الإحتفال بذركرى الزواج و اللوية كلها تستقر خلاص لأن تكونون عارفين بعض
و فاهمين شنو الشخص الثاني يحب
ممكن انه تكون سهرة حلوة بالبيت و تطالعون فلم و قعدتكم مع بعض احلى و اونس من اغلى هدية و مفاجأة و مطعم
طبعا كل هلأمور يعتمد على تفاهمكم كشخصين يحبون بعض
في جم شغلة انا كتبت عنها من قبل و ارد اكتبها فلإحتفال بهاليوم
الرجل ترى ما يفهم النغزات اذا فبالج هدية معينة تبينها او شي تبينه قولي له عشان لا تخربين اليوم و تنطقرين عليه
انا شخصيا احب انه تكون هديتنا حق بعض سفرة نستانس فيها احنا الأثنين
للأزواج اللي عندهم عيال
افضل انه الأم توديهم عند اهلها او اهل زوجها
لأن تحتاجون تكونون بروحكم و هالشي وايد مهم
مثل ما قلت مو لازم الوضع يكون مفاجأة و خبة ترى قعده هادية اثنينكم مع بعض و توخرون شوي عن مشاغل الدنيا حتى لو بالبيت تكون اكثر من روعة
لا تصعبون الأمور و لا تحطون شروط و قوانين على روحكم عشان لا يصير الإحتفال واجب
خلوه شي يطلع من قلوبكم
و اخر شي
الله يهني كل المتزوجين و اللي يحبون بعض و الفال حق اللي مو متزوجين
No comments:
Post a Comment