من زمان ما كتبت بوست اتكلم فيه في عن بعض الأمور اللي وجي اقول راي فيها بالعلاقة بين الزوج و زوجته او المخطبوين
و راح اتكلم من وجهة نظري انا كبنت لأني مادري شنو وجهة نظر الرجل
يشتكون وايد من البنات انه علاقتها مع الطرف الثاني ما فيها اي نوع من السعادة او انها مو قادرة تكون سعيدة
شنو السبب ؟؟
طبعا كل وحده عندها منظور السعادة او مفهوم السعادة بشكل غير عن الثانية
من اللي شفته من فترة ، ان من تبدا البنات تبدي سعادتها بروحها علي "سعادتهم "اهما الأثنين
من رايي انها خربت علاقتها مع زوجها
يمكن ترى تستمر العلاقة الزوجية بشكل سليم و تمشي
لكن راح تكون علاقة زوج و زوجة بس
انا و اتكلم عن نفسي
ما اتقبل الزواج اللي يكون عبارة عن حقوق وواجبات فقط
الزواج السعيد اللي يكون عبارة عن حياة مشتركة بين الأثنين
و الحيتة اهي اللي تكون عبارة عن احلام ووناسة و حزن مشترك بينهم
و اكيد الحب و الصدتقة بالمرتبة الأولى
شخصيا ، مستعدة اني استغني عن تغيير مطبخ ، او تجديد شي بالبيت بس بداله نروح انا زوجي سفرة تكون نتيجتها وناستنا
احنا الأثنين
و اتقبل اني اقعد بشقة فبيت اهل زوجي و نوفر فلوس الأجار اللي راح نقطه على شي يونسنا "احنا الأثنين"ترى يمكن في بداية زواجي ما فكرت هالتفكير
بس الحين تغيرت نظرتي
سعادتنا ووناستنا احنا الأثنين
اهم من اي ماديات او احتياجات تكون خاصة فيني انا بروحي
الله يرزق السعادة حق كل اثنين يحبون بعض و يفكرون بسعادة بعض
ملاحظة : انا مو متخصصة و لا خبيرة اللي اكتبه عبارة عن رأيي ووجهة نظرتي الخاصة
No comments:
Post a Comment