مثل ما عودتنا شركة "زين"على التميز و الإبداع
وصلتني دعوة لحضور العرض الخاص بالبلوقرز لمسرحية
"مصباح زين "
و هذي السنة الثانية لزين اللي يعزموني فيها على مسرحياتهم المتميزة
المسرحية من تأليف الكاتبة "هبة حمادة"اللي اختلف معاها في بعض كتاباتها للمسلسلات لكن ابداعها و تميزها واضح
في مسرحيات الأطفال لشركة زين
المسرحية هي قصة علاء الدين و المصباح مع تغيير بسيط لبعض الأفكار عشان توصل الرسالة الهادفة للمسرحية
وايد وايد المسرحية حلوة و الله يعطيهم العافية على المجهود الواضح و التمييز اللي خلونا نذكر المسرحيات القديمة الهادفة
الدعوة كانت حق 4 اشخاص خذيت معاي بنات اخوي مريومة و شيوخة
قبل لا تبدا المسرحية شغلوا اغاني لبعض المسرحيات القديمة (الزرزور،الف باء تاء ، ليلى و الذيب ، السندباد)و بعدها الإخت مي الصالح رحبت فينا و وضحت ليش شركة زين تحرص على اقامة مثل هذه المسرحيات الهادفة ؟؟ عشان الجيل الحالي لي كبروا يذكرون هالمسرحيات مثل ما جيلنا لي الحين نذكر هذي المسرحيات القديمة
ديكورات المسرحية وايد متعوب عليها و الممثلين مشالله عليهم ابداع
و شجون مشالله عليها صج صج فنانة و ماخذة قلب اليهال
النظرات الاندماجية
البنات مستناسين لأن ابوهم اسمه علاء و اغاني المسرحية كلها على ابوهم
وزعوا علينا ميداليات تشوق
بعد ما خلصت المسرحية دشينا بسالفة التصوير
الصراحة انا كلش ما احب الزحمة اللي تصير و التفقص بس البنات يبون ما قدرنا طبعا نصور مع شوجي
مشكورين زين على الدعوة وايد استانسنا
و عيدكم مبارك
اللي مفكر يودي عياله مسرحية بالعيد ، لا تطوفون مسرحية زين
مو قاعده اقول هالكلام لأنهم عازميني بس لأنه المسرحية هادفة و لا قصة و يطلع منها الطفل بعبر وايد
الحجز في قاعة التزلج
2 comments:
انزين التذكرة الرابعه وين لا يكون بعتيها ؟
Anon: كانت حق ولد اخوي بس سوه عملية قبل المسرحية بيوم
Post a Comment