الأجواء العامة بكل مكان و خاصة بالدوام عبارة عن هدوء
ترقبا لرمضان الله يبلغنا وياكم
و حتى جو البيت بالنسبة لي صاير هادي
يمكن الغبار له تأثير انه الواحد يقعد بالبيت و ما يتحرك
.........................................................................................................
وايد صارت احداث و مرت علي مواقف خلال الفترة اللي طافت خلتني مترددة و مو عارفة اتعامل معاها
الجو العام كان متوتر بيني و بين ج و لما كنت اقوله كان يقول لأ ما فيني شي و انت تتخيلين
و سبب التوتر مو مني او منه من اشخاص ثانيين
ودي اخذ راحتي و اتكلم بس صج ما اقدر
الحمدالله عدت الأزمة على خير
اي انا اسميها ازمة لأن انا اي تغيير يصير بحياتي مع ج للأسوأ بالنسبة لي ازمة
مشكلتي انا ما اسكت اللي بقلبي على طول ينقال و هالشي غلط ادري
و ما اقدر اخفي مشاعري احس اصير منافقة
لما انسان او انسانة يغلطون علي ما اقدر ارجع و لو مجاملة اني اتعامل معاهم عادي
انا هالشي بالنسبة لي نفاق و انا ما اقدر
الشي الصعب اني لازم اتعايش مع الوضع اليديد
بس قررت بقرار مهم وايد داخل نفسي
انه ما راح اخلي لأي شخص او ظرف كان انه يوتر العلاقة بيني و بين ج
عشان جذي الأهتمام الأول راح يكون بس حقه اهو و اهو الشخص الوحيد اللي راح احسب له حساب
حسافة اني عصبت و حسافة اني تضايقت و اشتطيت على شي ما راح يزيد و لا يقلل شي من حياتي معاه
و تحسفت انه ايام مرت علي انام و ان ابجي بسبب ناس الظروف خلتني اجتمع معاهم بمكان واحد
لأن ماكو شي يسوى ، حياتي معاه اقدر اقول عنها انها الحلم اللي دايما تخيلته و صار واقع
و ما راح اخلي احد يخرب علي حلمي
No comments:
Post a Comment