Thursday, July 26, 2012

سبحان الله على الاختبارات اللي نمر فيها كل يوم و المواقف اللي تصير عشان تختبر قوة صبرنا ، صج انا السنة رمضان بالنسبة لي مو بس صيام عن الاكل .

الصبر على تصرفات من بعض الاشخاص ، ماني قادرة أوضح اكثر مو عشان هالاشخاص يمكن يقرون كلامي ، بس عشان لا يعرفونهم الناس اللي حولي بس .


انا فيني طبع ، اذا شخص اعزه و صار بيني و بينه موقف و كلام ترى اسكت ، و أتصرف اذا شفته مرة ثانية طبيعي ، مو معاناته اني خايفة و لا ما قادر ارد ، لا اقدر ارد و اقول كلام يجرح و بالصميم بعد و بنفس الأسلوب ، بس اذا زاد الكلام و راح تخترب العلاقة نهائيا مستحيل ترجع طبيعية عشان جذي افضل اني اسحب نفسي ، و الحمد الله انه رمضان ، و انا حسيت انه ربي حطني بها لاختبار و الحمدالله قدرت امسك نفسي ، صج عاندت شوي بس قدرت امسك نفسي و ما انفجرت و خربتها .


الوحيد اللي يدري بتفاصيل الموضوع ج ، شجعني بس بعد يقولي لازم ما تسكتين اذا صار في تمادي بالموضوع ، انا الحمدالله واثقة من نفسي وواثقة من نجاحي و لا يمكن اسوي شي انا مؤ مقتنعة فيه ، و اهم شي اني ما اعامل الناس على حسب مزاجي

و هذه مشكله الشخص اللي صارت لي معاه المشكله انه قاعد يتعامل مو بس معاي مع الكل على حسب نفسيته و مشاكله . و بشهادة الكل .

انا قاعدة اكتب هالبوست لأني محترة بس مابي انفجر جدام احد و عشان لا اخرب صورتي جدام الكل . صج انا مزاجية بس عمري ما وصلت اني أصير مزعجة و اسبب اذية حق الناس اللي حولي

الله يثبتني يا رب


- Posted using BlogPress from my iPad

No comments: