الدراما داخل اعرق بيوت الأزياء

قريت الموضوع و شد انتباهي و راح اكتبه لكم باسلوبي :) 

كلنا نعرف بيوت الأزياء المشهورة لكن ما ندري شنو القصص اللي صارت و الدراما حق المصممين نفسهم 

دايما فبالنا العالم الخيالي اللي عاشوه المصممين اللي نحبهم و اهما يبدعون 

لكن في عالم ثاني ما ندري عنه 

و نبدا مع 

دار شانيل 

 1909

المصممة العظيمة كوكو شانيل و مساهمتها في عالم الفاشن لي الحين تلعب دور مهم 

اهيا اللي بدت بموضه النفنوف الأسود القصير ، الجناط المعروفة و الجاكيت اللي يعتبر علامة شانيل مع العطر لكن شنو الدراما اللي ما نعرفها ؟؟

الداراما 

كوكو شانيل وايد كان لها علاقات مع رجال متزوجين ، النازيين الألمان  و ايضا و العياذ بالله علاقتها مع النساء 

لويس فيتون

1854

طبعا شنو بتكلم و شنو بخلي ؟؟ لويس فيتون ماركة مشهورة و ما اعتقد انه في شخص مو شاري شي منهم 

الدراما 

خلال الحرب العالمية الثانية كانت دار لويس فيتون يشتغلون و يعطون بضايع للنازيين 

و الشغله الثانية  ب 2010 نزلوا اعلان كاذب انه بضايعهم كلها شغل ايد مع انه كانوا يستخدمون مكائن الخياطة 

Burberry 

1856

مساهمة بيربيري في عالم الأزياء و الموضه اهمها كان الترنش كوت المشهور 

الدراما 

كيت موس استبعدوها كوجه اعلاني حق بيربيري بعد ما صادوها و اهيا تستخدم الكوكاين اثناء التصوير 

 و ب2011  حاربوا اعلانتهم بعد ما يتم تعديل صورة ايما واتسون بالفوتوشوب 

Versace

1978

من اهم المساهمات في عالم الأزياء ، السكارف المشهور بفترة التسعينات 

الدراما 

قتل المصمم جيانو فيرسيس سنة 1997

Dior

1946

دار ازياء ديور كانت لهم مساهمات بعالم الأزياء انهم طلعوا التنورة اللي لي نص الريل و التوب الضييج  و كل هذا في فترة الأربيعينات 

الدراما 

ديور كان يصمم فساتين زوجات الضباط النازيين (مادري شنو مشكلنهم معاهم )مع انه اخته كانت معتقله في احد المخيمات التابعة لجيش هتلر 

1913

المساهمات في عالم الموضه انهم نزلوا كوليكشن الجناط اللي ضد الماي في فترة التسعينات و كانت وايد مشهورة في هالفترة 

الدراما : 

ماريو برادا كان مؤمن ان المرأة لا يمكن انها تكون ناجحة في الشغل او انها تمسك اي منصب 

MQueen

1992

اشتهر بتصاميمه الغريبة و المجنونة 

الدراما 

سنة 1995 نزل كوليكشن سماه الإغتصاب 

و كان يقصد اغتصاب انجلترا لإسكوتلاندا

و في سنة 2010 لي مكوين انتحر 

عالم ثاني و احداث غريبة 

و في وايد دور ازياء لهم قصص غريبة انشالله اذا قدرت اكتب لكم باجي القصص 

Source http://www.refinery29.com