لي الحين انا ماشية على هالروتين اليديد , انام مبجر و اقوم مبجر
وايد يقولون انه الأزواج مع الوقت يتطبعون باطباع بعض
اللي صار معانا ,انه عكسنا اطباع بعض
مسكين ج لما قام يسهر و ينام لي الظهر انا قمت افزع من الصبح و انام مبجر
و الله مو شخصيتي القعده من الصبح
قمت اليوم الساعة 6
و نطرت بالفراش حاولت انام ما نمت
قررت اني اقوم اشتري لنا ريوق خفيف
شريت من كارفور اجبان و زيتون
و ناطره الزوج العزيز يقوم من النوم .
..................................................................................................................................
لما قمت قريت بعض الأخبار انه في احتمال حرب تصير بالمنطقة
انا خايفة وايد
كنت دايما احمد ربي انه ايام الغزو كنت مو متزوجة و ياهل
مابي اعيش الصراع اني ابي اكون مع اهلي و لا اكون مع زوجي ؟؟
ابوي ما رضى يطلع من الكويت و امي قالت له انها راح تقعد معاه و ما تهده
مع انه كل اهلها طلعوا
انا ابيهم اثنينهم
ابي ج و ابي امي و ابوي
ادري ما عندي سالفة بس انا اي اوضاع سياسية متوترة تتعبني نفسيا
الله الحافظ ما ادري الشي اللي يصير من تاثير الغزو يمكن ؟؟؟
اللي اقدر اقوله الله الحافظ انشالله
No comments:
Post a Comment