يصادف يوم السبت ٣٠ يونيو اليوم العالمي للتواصل الاجتماعي الالكتروني ، و مشالله الكويت من الدول اللي تتميز بالعدد الهائل من البلوقات الي لها دور مهم في عملية التسويق و نقل الاخبار . الناس و الشباب تدريجيا استغنوا عن قراءة الجرائد التقليدية و صار للمدونات و تويتر الأولوية في نقل الاخبار و التغطيات لآخر المناسبات
انا انشالله في سبتمبر راح اكمل ٦ سنوات في بلوقي اللي اعتبره حياتي المصغرة ، ما كنت متوقعه اني راح انشهر او يكون لي عدد كبير من المتابعين الحمدالله.
يسألوني وايد ناس ، شنو قاعدة تستفدين ، غيرج قاعدين يستفيدون ماديا . انا هدفي بالبداية ما فكرت و لا كنت مخططة لأي ربح مادي ، أكيد استانس لما احضر بعض المناسبات و اكتب عن بعض المشاريع الشبابية . بس ما كنت مفكرة اساسا بالمادة لان ما كان عندي مخطط حق البلوق .
مشالله البلوقات اليديدة عارفين شنو يبون و حاطين اهداف معينة مثلا إعلانات و تكنولوجيا او فاشن الله يوفقهم انشالله لان الحين لا يمكن انه نستغني عن البلوقات في حياتنا خلاص .
طبعا جميع الشركات و الجهات عارفين اهمية التواصل الاجتماعي و اهمية البلوقات و قاعدين نشوف. شلون تتنافس الشركات في انها تتواصل معاهم .
وايد مستانسة اني جزء من هذا العالم الجميل صراحة ، بلوقي اهوجزء مهم من حياتي و الناس اللي عرفتهم و متابيعيني اهما شرف لي و اضافة حلوة حق حياتي
كل عام و كل البلوقرز بخير سعيده انه كلنا ننتمي لعالم واحد يجمعنا :)
- Posted using BlogPress from my iPad
No comments:
Post a Comment