ما راح اتكلم عن سباق الحةاجز لأني لياقتي البدنية ما تسمح اني اتكلم بهالمواضيع الخطيرة
:P
الحواجز اللي اقصدها اهيا الحواجز اللي تكون بينا و بين الناس اللي حولينا
بلإجماع الكل اتفق انه افضل طريقة الواحد يحافظ فيها على علاقاته اني ما يتعدى الحواجز و الحدود اللي بينه و بين و الناس و بنفس الوقت ما يسمح لأي شخص انه يتعدى حدوده
علاقة وحده بس ، اذا صار فيها حواجز تفشل و ما تكون علاقة صحية
العلاقة بين الزوج و زوجته
تفاجأت انه في علاقات زوجية وايد قايمة على اساس المجاملات ، فيه احترام و فيه تقدير بس ماكو تآلف
يستمرون بالزواج سنوات و بينهم عيال و العيال يكبرون و مازالوا الزوجين ما يعرفون بعض
ودي بس ابين لهم ، تدرون انه انتوا قاعدين تضيعون احلى سنوات حياتكم و انتوا حاطين قناع ؟؟؟
ما راح تكونون ناس طبيعين و مرتاحين لأنكم مو قاعدين تتصرفون على طبيعتكم ؟؟
انكم تقعدون مع بعض و تكونون طبيعين من اهم اساسيات الزواج الناجح "بسعادة".ترى ممكن انه يكون الزواج ناجح بجميع المقاييس اللي يطلبها المجتمع ،بس الطرفين ما وصلوا السعادة اللي يبونها
في لوم على المجتمع من هالناحية و انا بتكلم من ناحية المرأة
المجتمع يفرض عليها قيود و شروط تخليها تكون افضل ممثلة اوسكار
لا يشوفج زعلانة
لا يشوفج تعبانة
لا تضحكين جدامه بهالطريقة
لا تتصرفين هالتصرف الطفولي جدامه
لا و لا و لا
انزين ؟؟
اذا انا الشخص اللي معاي عايشة معاه بتمثيل ؟؟ شلون راح يعيش معاي ؟
هذا سبب من الأسباب فتور العواطف ترى
وحده قالت لي : شلون اسافر مع زوجي مكان بحر من صجج امشي جدامه بمايوه !!!!!!انزين ؟؟ ليش لأ ؟
شخص يمكن متزوج من اكثر من 4 سنوات و بينهم اطفال مو عارف انه يفتح موضوع مع زوجته انه تشاركه ماديا حق السفر ؟؟؟؟
ليش هذي الحواجز ؟؟
طبعا هذي اختيارات
و انتوا اللي تختارون شلون تبون تعيشون حياتكم
و الحياة نعيشها مرة
لازم نعيشها بسعادة
تنويه
انا مو خبيرة و لا دارسة علاقات زوجات و لا اقرا كتب و اكتبها هني اللي اكتبه في هذه المواضيع عبارة عن رأي الشخصي و تجاربي البسيطة بالحياة
1 comment:
Soo true... I believe if you're sharing your life with someone you cant not share your emotions!
Elmishkila some ppl make it difficult for their partners to show how they feel... Their reactions can be either too old or careless... Etc.
Post a Comment