معيار السنع .... حمسة و مجبوس

لي الحين في بعض الناس يعتبرون معيار سنع البنت و نجاح حياتها الزوجية انها تكون احسن طباخة ، و اذا قلتي انج ما تطبخين نظرات الناس تحسسج انج مسوية ذنب


في الناس اللي حولي تغيرت نظرتهم بعد ما مرت علي تقريبا خمس سنوات و لي الحين أنا مقتنعة بقراري اني ما اطبخ لان أفهموا انه السعاده الزوجية مو شرط انج تكونين طباخة


مو ضد الطبخ و لا انتقد البنت اللي تطبخ ، بس ضد انج تسوين شي انتي ما تحبينه ، و أنا وحده ما اقدر اطبخ لأني ما احب الطباخ .

ترى أمي لي الحين ودها اني اكون من البنات اللي يطبخون لانها تحب الطباخ و أكيد ودها اكون نفسها و لو اقعد من اليوم لي باجر اشرح لها وجهة نظري راح تظل صورة البنت السنعه بنظرها اللي تطبخ

و ما الوم جيلهم ، كلهم عندهم الطبخ مهم و رقم ١ في نجاح الحياة الزوجية ، أنا بالنسبة لي و حق حياتي مو شي اساسي .


لو كان الطبخ من اساسيات الحياة الزوجية الناجحة ، جان انفرض علينا بالدين ، الرسول صلى الله و عليه و سلم امر شخص ان يحط حق زوجته خادم يجهز اكلها



وايد نماذج حولي ، احسن طباخات بس حياتهم الزوجية كلش ما اتمنى اني اكون فيها او اعيشها


أنا مقتنعة و مرتاحة بحياتي الطبخ ما راح يحدد نجاحي كزوجة


أنا اكره ريحة الطباخ و بين فتره و فتره اسوي شغله بسيطة بس اني اذبح عمري عشان طبخة ؟ لا و بعدين أنا ساكنه في بيت عائلة لازم احترم وضع المطبخ اني ما اقدر اطبخ عشان أتحاشى الروائح ما تزعج غيري

و الحمدالله أنا اكلي معاهم عشان جذي مو عاده موضوع الطبخ شي يحدد سعادتي


- Posted using BlogPress from my iPad