Thursday, June 07, 2012

بس امس


من زمان ما طلع الكلام من قلبي و كتبته ، صج من زمان ، لهيت بالأشياء اللي احبها ، لهيت بحياتي و بماديات و شكليات ، البعض يمكن يقول اني أبالغ او اني امثل او اني ابي بس الفت الأنظار .

هالبوست مو مهم عندي الأرقام اللي راح تطلع لي شكثر اللي قروا البوست ، هالكلام من قلبي و احتجت اني افضفض و ماكو احسن من البلوق اقول اللي ابيه



بس امس ، كنت متأزمة ليش مو قاعده اضعف بسرعة ، ليش هاللبس مو حلو علي ، ليش شكلي مو عاجبني ، و ليش أنا مو ستايل و تناجرت مع ج . و تهاوشت و تنرفزت

بس امس رديت و أنا افكر ابي اسوي عمليه معده خلاص ، بس امس تحلطمت مابي البس هالحجاب ابي البس الحجاب الهبه اللي هابين فيه البنات


بس امس ضاق خلقي ليش ما لقيت مقاسي من الجاكيت اللي الكل شراه .

كل هذا بس امس .


قمت من النوم اصلي الفجر و قعدت اقرا اخبار المذابح اللي صارت بسوريا ، تعبت و حسيت بتفاهة الحياة

كماليات اللي عايشتها و مشتطه فيها ، كنت مستعده اضحي بصحتي و فعمري عشان شكلي يصير حلو



و اليوم الظهر وصلني خبر وفاة زوج بنت عمي عمره ٣٦ سنة . فجأة




ممكن اكون أنا مكانه ؟ ممكن اكون أنا مكان زوجته ؟ ممكن يكون اي شخص يعز علي مكانه ؟



شنو بستفيد ؟ من اللوية اللي اسويها عشان لبس او شكل



شنو بستفيد لما اقعد اتهاوش و اضايق حبيبي و شريك حياتي ، الشخص اللي ما اقدر أنام و ما احس فيه يمي . شنو بستفيد ؟



يا رب يصبرها و يرحم زوجها و يثبته يا رب

يارب يرحم شهداء سوريا و اغث المستعضفين و أحقن دمائهم يا رب


يارب لا تفجعني بالناس اللي احبهم و يعزون علي يا رب العالمين



تعبانة فيني غصة بس ماني قادرة ابجي و صج صج قاعدة احس بعوار بقلبي .

- Posted using BlogPress from my iPad

4 comments:

Anonymous said...

It's 0.28 am , sleepless as i've been lately thinking over and over about the same issues !! I didnt come arnd yr blog or others for quite some time and tonight i did ... Felt sad for yr loss in yr family, for the loss of all the innocent ppl killed in Syria and other places , felt bad for "al ghasah" ...please let it out , shed tears If it wld help ...and kiss JJ first thing in the morning .Today is Friday, read as much Quran as you can o InchAllah you'll feel much better. Life is simple, best things in it are free , laugh and love .

Anonymous said...

ya rab ya kareem
walla shay ye'9ayg elkhlg :(

RuBY_GLooM said...

3atham allah ajrkm o allah e9aber ahala.

RuBY_GLooM said...

3atham allah ajrkm, allah e9aber ahala.