رديت

رديت الحمدالله من السفرة السريعة و اللطيفة جداً ، الحمدالله وايد استانسنا و كل شي كان مثل ما نبي . صديت عن كل شي و ريحت بالي و كان صج بريك حلو




يسألوني وايد ، ما مداج ؟ و بس ٩ ايام ، جوابي لهم اني الهدف الرئيسي مو سياحة كثر ما اهو سوق ، ٩ ايام سوق في لندن تكفي ، مو اول مرة اروح عشان جذي عارفة وين و شنو الاماكن اللي بروح لها


ج اول مرة يروح و الحمدالله وايد حبها لان سبحان الله أنا معاه نفس الاهتمامات و مشالله اهو باله طويل معاي و أنا اتسوق الحمدالله


بالفترة اللي كنا فيها كانت التجهيزات عشان الاحتفال باليوبيل الماسي حق الملكة، و الزينة بكل مكان عشان جذي الوضع كان شوي زحمة ، وايد قروبات مدارس من فرنسا موجودين




طبعا لندن من الدول اللي ما يحتاج انه الواحد يكتب عنها بوستات لان مشالله الكل كاتب عنها بس راح اقول لكم انشالله عن بعض الاماكن مثل معرض لابوتان


يمكن تطري علي بعض السوالف اللي صارت وودي اتحلطم عليها راح اكتبها . طبعا هاليومين لويه مع الجناط و ترتيب الاشياء بس انشالله عندي الكثير من السوالف .

- Posted using BlogPress from my iPad