R u going to miss me ?

To all my lovely amazing readers , followers and friends that supported me a lot to keep posting everyday , I would like to apologize that I will not be able to review ,advertise or take requests for the next 2 weeks . All e-mails will be saved after that date , and I will not be able to attend any events and exhibitions as well .


Love you all .

حبيت اعتذر من كل اللي يقرون بلوقي و الاشخاص اللي بسببهم أنا قاعده اكتب بوستات مثل المشروعات الصغيرة او التجمعات و المعارض ، اني ما راح اقدر اكتب شي لمدة أسبوعين بس اي إيميل او طلب راح يوصلني انشالله راح البيه بعد هالفترة انشالله .



انشالله تولهون علي عاد


- Posted using BlogPress from my iPad

برنامج القايلة في كلية البنات ,,,,, و الضيف اللي زارني

اليوم بدت إجازتي الحمدالله و بدايتها اني داومت ،مشالله علي مخلصة بالعمل

كان لازم اداوم لأن اليوم برنامج القايلة  مع طلال الياقوت و مايك مبلتع بثوا الحلقة على الهوا من كلية البنات الجامعية

طبعا السبب الرئيسي مشاريع طالبات التخرج و تعريف الناس عن الكلية

طلال الياقوت ,و مايك مبلتع و نايف النعمة

الصراحة الفكرة كلها كانت من الطالبة المتميزة سارة حمادة 

اللي على كلام الأخ طلال حنت عليه حنه عشان توصله و تعرفه عن الكلية

الصراحة احنا كإدارة كنا شوي متخوفين من حضور الطالبات لأن كل مرة يوهقونا و ما يحضرون

بس مشالله مشالله شعبية البرنامج خلت القاعة تنترس  مشالله ة هذا اكبر دليل على نجاح و تميز البرنامج

طبعا مافي داعي اشرح شنو صار اتوقع الغالبية سمعوا الحلقة و اللي ما سمعها طافته

و مشالله بومشاري و مايك لازم يبدعون و طاف الوقت بدون ما نحس

انا اعتقد صرت النحيسة اللي كنت ارد على الطالبات بس مو مشكلة انا كنت طالبة في يوم من الأيام

مو هذي السالفة

تتوقعون منو ضيفي اللي زارني عشان يحضر الإيفينت و يصور مع طلال و مايك ؟؟

Bothroos

بوضروس الكشخة

واااي الكشخة و الله اينن

طبعا بوضروس اهو تبع بلوق

alnoury



كل يوم يزور بلوق من البلوقات عشان يدلعونه

انا يا بعد قلبي خليته يداوم معاي بس بالمقابل صور مع مشاهير  مع انه اهو الحين

celebrity

في انستغرام حطو الهاش تاق

#Bothroos

و راح تعرفونه

 قاعد عاجل ينطر بث الحلقة

 مع طلال و مايك و شكله مستانس مادري محتر

و مايك يشربه الماي

قعد معاي لي نهاية الحلقة

و انا طالعة من الدوام عشان اوصله البيت ، كان ودي اني اونسه اكثر بس و الله وراي تجهيز جناط قبل السفر و مابي اخليه

يشتغل 

:P

مشكورين فريق القايلة على تعاونكم و زيارتكم لنا

و على تفاعلكم مع بوضروس و انشالله هذا مو اخر لقاء لنا

و دايما نكون متواصلين معاكم

(لزقة)

عاد احنا 



لقاء البلوقرز مع د.طارق الحبيب

من وصلني إيميل الإستاذة /حنان الرفاعي  رئيس مجلس الإدارة مركز كيوب للتدريب و الإستشارات تطلب فيها عنواني و رقم تليفوني عشان تدز لي دعوة لحفل عشاء مع البروفيسور /طارق الحبيب ،و انا قاعدة بس اعد الأيام و متى راح توصل الدعوة

امس كان موعد حفل العشاء اللي كان على شرف البلوقرز و تحت رعاية البروفيسور د.طارق الحبيب . الحفل كان في منتجع صحارى  الساعة 8 بالليل

ج كان حاضر معاي لأن الإخت روان العسوسي -بالظبط ما اذكر مسماها بالمركز - دقت علي و بلغتني اني اقدر اييب معاي شخص واحد , و صج كان ودي انه يحضر معاي مع انه اهو ما يفضل انه يروح اي تجمعات حق البلوقرز معاي لأن يقول البلوق بلوقج و هالشي خاص فيج  و بعد انا ادري انه وده يظل ج اللي محد يعرفه بالصج (بس خلاص الحين انكشفت )لوول

المهم لما وصلنا استقبلونا المنظمين و دخلنا القاعة  و بدا كل بلوقر يعرف عن نفسه و عن بلوقه ، اعتقد انا كنت اقدم وحده بالمكان ما اذكر بالضبط

الأخت روان العسعوسي تعرف الحضور بالمركز

و الإستاذة حنان تعرفت علينا شخص شخص و مشالله تعامل اعضاء مركز كيوب وايد راقي و متميز و هالشي يدل على اهمية هذا المركز و مكانته و انه مو مثل اي مكتب تدريبي ثاني

وصل د.طارق الحبيب ،و طبعا هو غني عن التعريف و مشالله باسلوبه و تواضعه خله الكل يندمج معاه و تكلم بوايد مواضيع عامه و اكثر موضوع شدني اهو موضوع الغضب لأن حالة الغضب هاليومين واصلة حدها  و كان الكل مندمج و يشارك معاه و قدم 3 هدايا و اهيا استشارات مجانية لأكثر مشاركين معاه

البلوقرز الشباب

البلوقرز البنات

Update

حبيت اعتذر من البلوقر البنات اني حطيت الصورة الأولى بدون ما اغطي الملامح ، اعتقدت انه بموافقتهم بالتصوير انه ما في مانع اني احطها بالبلوق

مع موظفين الفندق

بعدها ما قصروا كيوب اصروا انه لازم نروح العشا و قعدت مع البنات البلوقرز و استانسنا و الله وايد و الدكتور ما قصر لف على كل الطاولات و قعد معانا و اخر شي خذينا صور جماعية معاه



و قبل لا نطلع قدموا لنا هدايا و اهي مجموعة من كتب د.طارق الحبيب

اشكر مركز كيوب على هذا اللقاء المتميز و انهم دعوني 

و انصح الكل لا تترددون انكم تسجلون في الدورات اللي يقدمونها لأنهم ثقة و مركز معتمد

للتسجيل و الإستفسارات

Cube Training&Consultancy Center

Twitter : @cubegroupkw

Dr.Tariq Alhabib

@Talhabeeb

Update : The most Popular post

wooow statistics changed so fast , so the Week`s most popular post of the week is 

Ramdhan With Fortune Cookie رمضان مع فورتشن كوكي

برنامج القايلة في كلية البنات الجامعية

وحده من طالبات كليات البنات الجامعية المتميزات نسقت مع برنامج القايلة لإستضافتها عشان تتكلم عن مشروع التخرج الي راح تعرضه في معرض مشاريع الطالبات ، و صارت الصدفة اني احضر معاهم عشان امثل مكتب العلاقات  العامة بالكلية 

اللقاء كان يوم الثلاثاء و مشالله الطالبات كانوا يهبلون و الله يوفقهم انشالله 

مشالله الجو العام خلال عرض البرنامج وايد يونس و المذيع طلال الياقوت مثل ما تعرفونهمتميز و مبدع ، حسافة مايك مبلتع ما كان موجود . الحلقة الحمدالله اللي سمعوها وايد مدحوا فيها و كان موجود عبدالرحمن القريشي اللي يحلل الشخصيات من الخط 

انصدمت الصراحة من تحليله حقي لأن ج انصدم يقول حلل شخصيتي بالظبط 

هذي الصورة اللي نزلت بتويتر من القايلة 

كان في اختطاف نسائي لمدة 3 ايام البرنامج كل الضيوف بنات 

بو مشاري مع لوية الناس بتويتر 

دي جي سيسكو :) 

الأخ نايف النعمة حسيت كان لوية مع الإتصالات  مادري استحيت اقوله بصورك 

بس ما قصروا معانا و مع الطالبات 

و انشالله يوم الأحد نطروا بث الحلقة  مباشرة من كلية البنات الجامعية 

الساعة 1-3 

:) 

The most Popular post in my Blog

The week`s most popular post is 

فكرة نقصة حق رمضان 

ما توقعت لوول 

د. طارق الحبيب في الكويت

-

وصلتني دعوة من مركز كيوب للتدريب و الاستشارات عشان حفل العشاء الخاص حق البلوقرز مع د. طارق الحبيب ، الصراحة مادري شلون اشكرهم على هذي الدعوة المميزة الصراحة . و انهم معتبريني من اشهر البلوقرز في الكويت ، هذا شرف لي .



وايد متشوقه حق هاللقاء انشالله و نطروا البوست انشالله


Posted using BlogPress from my iPad

ماني مصدقة شنو اللوية اللي عندي هالأسبوع 

و قبل الإجازة !!!المفروض اجازتي تبدا الأحد و هالإسبوع انترس 

احب اكون مجهزة شغلي حق السفر من مدة بس هالمرة ابداع 

ادري يمكن قاعدة ابالغ شوي 

يبيلي نوم بعد

مو قاعدة انام  عدل 

انشالله كل شي يصير سهالة 

ادري انا اشتطاط بعد 

بس

آخر دقايق بالدوام و قررت اتنح ما اسوي شي 

Night Life In London

source : http://www.pattyhodapp.com

على عدد المرات اللي رحت فيها لندن ،امي ابدا ما كنت ترضى انه نطلع بالليل  ، اوكي لما كنا صغار ممكن استوعب الوضع بس لين كبرت  و تخرجت من الجامعة رحنا لندن و ما زال الوضع ممنوع نطلع بالليل 

انشاله هالمرة راح اروح مع ج يعني ماكو ممنوع خلاص :) 

بس مشكلتي  ما اعرف الأماكن اللي تكون فاتحة باليل 

شنو ممكن نسوي و ين ممكن نروح ؟؟ 

i`ve been to London Several times , but i was not allowed to go out at nigh , 

This time ensha`allah , i am going with JJ so i can stay out at night 

the only issue i am facing here , i don`t know where to go and what to do at nigh 

so i need your help and i will be waiting for your suggestions plz 

Finally @Gaaylaa

everybody knows how i act on twitter with @gaaylaa , i never win their contests and i keep nagging on them but the treat me as if i never exist :P

Finally  we are arranging an event at work and enshalah they will be attending , so tomorrow i will be on air with some of the students :)

akheeeran

so stay tuned ;)

مجلة Good Health بالعربي و بحضور نانسي عجرم

تم اطلاق العدد الأول من  مجلة 

Good Health 

  الأسترالية بالعربي و لأول مرة  في الشرق الأوسط باحتفال وايد حلو كان في قاعة سلوى الصباح 

فكرة الأحتفال انه محولين بعض اقسام المجلة الى ارض الواقع  خبراء التغذية و الطاقة مع معلومات عن الغذاء الصحي 

و العصائر الطبيعية اللتي تفيد صحة الإنسان 

نانسي عجرم كونها اول شخصية تكون على غلاف المجلة كانت موجوده  عشان توقع على اول عدد 

بما اني مشتطة هاليومين على موضوع الريجيم و الرياضة وايد حبيت الوضع و الإيفينت و حسيت انه رسالة عشان اكمل اللي بديته 

الله يتمم علي لأن حاشني انهيار عصبي اني ابي اسوي عملية تكميم و افتك 

اخليكم مع الصور 

كان عندها جهاز رياضة يديد شرحت لي الفكرة 

 لجين الكتكوتة -اصغر بلوقر كويتية كانت موجوده و جربت شي بالطاقة عشان يعرفون شنو الأكل المناسب حقها 

 التخلص من الوزن الزائد - الهم الأكبر 

 قاعده اسوي التجربة  بس مشكلتي ما أؤمن بهالأشياء 

 العصائر الطبيعية من الفواكه و الخضار 

 جربت العصير الأحمر و كان حده لذيذ و انصدمت من المكونات 

 شمندر و كوسة و فلفل 

و هذي نانسي الجميلة  ، كتكوتة حدها عشان جذي مسحت صورتي لما صورت معاها لووول 

التقديم من فندق المارينا 

انصح بالمجلة اذا كنتوا من الهمتمين بالرياضة  و التغذية و صحة الجسم 

Start your visit in Down Town Expo with : Fried Junk

Forget diet and just go directly to






-


Fried Junk is a Kuwaiti business founded by a young , Kuwaiti ,strong teenager who proved to every one that age doesn't matter , he was Awarded In P2BK By AlHomaizi Kout Food Group For Being The Youngest Business Food Owner.


His business is one of a kind , not a copy paste kind of business that we always see in exhibitions , so that's why u have to give it a try






















His motto is : Eating Junk food with a Style .


Don't miss Fried Junk Next Weekend, on 17-18-19/5 ! DownTown Expo, In Mishref International FairGrounds Hall 8


Contact Fried Junk:
Blog: Fried-Junk.com
Twitter: @Fried_Junk



Posted using BlogPress from my iPad

Fortune Cookie Ramadhan event رمضان مع فورتشين كوكي

حضرت يوم الخميس

Fortune Cookie Ramdhan event

اللي كنت كاتبة عنه من جم يوم انه وصلتني منهم دعوة

As i post earlier , i was invited to attend the launched of  Ramdhan collection at The Fortune Cookie

here

وصلت مبجر الساعة 5 لأني كنت معزومة على ايفينت ثاني

و مشالله المحل كان زحمة و متروس

 I arrive there at 5 P.M and the place was already crowded , girls were roaming carrying dresses to try 

 

دخلت و سلمت على أريج صاحبة المحل تينن طبعا و ما يحتاج اتكلم عنها لأن كلكم تعرفونها

Areej the owner was there , she welcomed me , she is a lovely girl who worked really hard to present the shop and the event in that amazing way

تعرفت على

Ibrah

للي كانت عارضة الكوليكشن اليديد  و مشالله خلص بنفس اليوم

حسافة

Meblogging

ما كانت موجوده

اخليكم مع الصور

Here are some pic from the event

النفانيف تشوق بس كان الوضع زحمة وايد مشالله و انا مشكلتي ما اعرف اتسوق بالزحمة يمكن امر مرة ثانية او اذا بينزل كوليكشن يديد

Loved the dresses

اللي ما لحق انه يشتري من

Fyunka 

If you didn`t get your Fyunka Bag from PLTQ8 , her collection is there

من معرض بريتي ليتل ثنغز

راح تلقونها موجوده بالمحل

Ibrah

كانت موجوده مع الكوليكشن اليديد ، مشالله دايما متميزة حتى بالعرض

Ibrah was there with her new collection , the setting of the display table was incredible mashalah

مشالله اريج كانت ابداع بالتقديم

Hospitality from our childhood :)

 

تذكرون هالكاكاو ؟

very creative ;)

يشوق حده

وناسة

وااي هذا اللذيذ

و هذا اللي شريته

My necklace from Ibrah

لازم تزورون محلهم

Fortune Cookie -Salmiya Olompia Mall 2nd Floor 

فورتيشن كوكي -السالمية -مجمع اولومبيا الدور الثاني 

Follow:

FortuneCookieQ8

Ibrah