انا مداومة مبجر

صباح الخير عليكم جميعا 

امبروك انا مداومة مبجر :)

انا منصدمة  

ج منصدم 

السايق باشا انصدم 

السيكورتي بالدوام منصدمين 

و الخدمة منصدمين 

و الله  انا ادري قعدة الصبح تونس ووصلت الدوام بدون ما اعصب و الله طلعت من البيت 6:11 وصلت الدوام 6:15 و الله ؟؟ الشوارع فاضية 

المشكلة من منو عيل ؟؟ المشكلة من الزحمة  يعني لو ماكو زحمة اقوم من النوم 7:30 و اطلع من البيت 7:45 و اوصل 8 

هذا اذا قمت  7 

قررت اطلب ريوق حق بنات الدوام  دخلت موقع طلبات و كل المطاعم مسكرة !! منصدمين و الله 

لازم اعرف شنو الشي اللي خلاني اقوم مبجر و شبعانه نوم ؟ ترة مو نايمة مبجر يمكن بال 12 ؟؟

هممم يمكن ما جابلت الآيباد ؟ لعبت رياضة متاخر 

مادري والله ، بس المهم اني مداومة و فرحانة و لازم احتفل بهاليوم الجميل

اصلا يوم قمت و لبست قعد ج من النوم اتوقع اخترع لأن قام يطالعني و يلتفت على الدريشة كانت الساعة يمكن 5:30 يقولي شنو   الساعة جم ؟.. قلتله 6 يقولي 6 متى ؟؟ 

اصداقئي الأعزاء بتويتر منصدمين  معاي بعد لوووول

و نام بكير و اصحى بكير و شوف الصحة كيف تصير 

و شكرا