Monday, April 09, 2012

الو اختي ربحتي معانا !!! كف



قبل يومين ياني اتصال من رقم غريب و انا من الناس اللي ارد عادي لأني وايد حاطه رقمي عند وايد محلات 

المهم الإتصال كان بهالطريقة 

الشخص : الو السلام عليكم اختي 
انا : عليكم السلام 
الشخص : في احد دق عليج و بلغج انج ربحتي معانا هدايا ؟ 
انا : لا والله 
الشخص : بس حبيت ابلغج انج ربحتي معانا هدايا مجانية بمناسبة افتتاح فندقنا اليديد 
و الهدايا اللي راح تاخذينهم اهما اقامة بشرم الشيخ ، مجموعة عطور و قسيمة شراء بقيمة 2500دينار من اي محل من محلات 360

انا : اوكي و المقابل 

الشخص : بدون مقابل و لاشي و لا التزام و لا توقيع 

انا : ؟؟؟ 

الشخص : بس انج تتكلمين عن فندقنا 

انا طبعا شكيت بالموضوع شوي 
الشخص : اختي انتي متزوجة ؟؟ 

انا : اي 

الشخص : راح تبلغين  الزوج ؟؟؟؟

انا (ليش ما ابلغه مثلا )؟؟
اي اكيد بس من وين طلعتوا رقمي ؟؟ 

الشخص : ارقام عشوائية 

المهم قالي عطيني اسمج عشان نطبع الهدايا و عطيته الأسم 
عاد انا و ج كلش مو مرتاحين و مالنا خلق و قالي اكيد بنروح بيقرقون علينا ساعة 

بعد ساعتين دق علي واحد من جنسية مصرية و قالي 

اخت مروة الساعة كم حتيجي ؟؟ 

قلتله مادري يمكن بعد ال 7 

جان يقولي لأ لازم تعطيني موعد مظبوط 

قلتله قلت لك بعد ال 7 مادري ؟؟ 

قام يحن لأ لازم موعد و مادري شنو و قالي مرة ثانية 
بلغتي الزوج ؟؟ 

ها!!!!هذيل شفيهم قطع ؟؟ و الا متعودين ايوونهم بنات من ورا اهلهم او ريايلهم ؟؟ 

قلتله اي 

و حتيجي لوحدك ؟؟؟ 

!!!!!!!
اي شي ؟؟ 

قلتله لأ مع الزوج (على قولته)لوعوا جبدي 

المهم 10 دقايق و دقيت قلت له ما راح ايي صار لي ظرف جان يقول ليه ؟؟ احنا طبعنا الهدايا 

قلتله ما راح ايي و صكيت التليفون 

بعدها بساعة دق علي الكويتي اللي اول مرة دق و قالي اختي ليش كنسلتي الموعد ؟؟
قلت له بس ما اقدر ايي قام يحن يعني متى تقدرين تيين ؟؟ 
قلتله مادري 



ج قالي المفروض قلتي له دز الهدايا البيت و راح تشوفين انه السالفه ماكو شي مجاني 


المهم هالأشياء لوعت جبدنا و ماله داعي هذه الإسئلة و سويت سيرج على الأسم طلع ماكو فندق اهما شركة 

بس حبيت انبهكم و ديروا بالكم 


اسم الشركة 

Golden Gate 


1 comment:

Veil and more said...

Same thing happened to me andmy hubby, bs kina fi 360 o 3ndhm booth hnaak! Madree shlon e2jro. 7g na9abeen !! They asked a question and we answered right, galolna u won 5 days fi sharm alshaikh bla bla bla, bs lazim nistilim el voucher min elsalmiya. Re7na o 3la goltech mw3edo qe9a
E6laa3at esalfa kilaha n9b eyeeboonech hnak o yga3doon ma3ach sales man yagreg 3 hrs 3shan yboon enas testathmer m3ahum fl sharika !!

I researched the hotel they told us we won a stayin. It doesnt exist, it's actually a resort tamleeek..o lel7een moo khali9 b3d! O dftr el jawa2ez elli eb 2500kd efashil Killa 3eyadat dr.s dathreen 3omree mo sam3a feehum, o ashya2 ghareeba m7d yestefeed minhaa