داومتوا ؟ موضوع الشعب الكويتي

أنا ما داومت ، قمت و الله الصبح و لا القى مسج من أمي : لا تروحين الدوام . طبعا اهم شي بالدنيا رضى الوالده العزيزة :)


أمي من الأمهات اللي لا يمكن لأي سبب كان انه نغيب عن المدرسة ، كانت تقول روحوا و اذا بتموتون بيدقون علي . عندها الدوام وايد شي مهم و لين اشتغلنا اذا خذينا استئذان وايد كانت تزعل

تقول أيامنا ما كنا نسال عن الاستئذان و العرضي . من السوالف اللي اذكرها عدل ، سالفة إخواني الكبار انه كان عندهم كورس صيفي بالثانوية ويوم الخميس يوم الغزو كان عندهم امتحانات ، أمي قالت لهم لازم تروحون ما رضت و ما اقتنعت الا لما راحوا و ناظر المدرسة رجعهم .


عشان جذي اني القى مسج منها تقول لا تداومين ، اعتبره حدث غير عادي في حياتي :)

حبيبتي أمي :)

- Posted using BlogPress from my iPad