كل شي يبدا صغير .... و يكبر

ما داومت يوم الأحد لأي كنت شوي تعبانة عشان جذي ما كتبت بوست بداية الإسبوع

عندنا اشالله احتفال العيد الوطني و مشالله ما حسيت انه لوية كلش ، الإحتفال السنة بسيط مو نفس السنة اللي فاتت

عشان جذي الوضع المريح ماكو لوية

لازم اطلع بعد شوي اروح اشتري هدايا بسيطة

اي افكار ؟؟ اشياء سعرها مناسب تكون ؟

***************************************

ج مسافر هلإسبوع ، ما توقعت شكثر الوضع صار صعب علي

من اول ما تزوجت وضع السفر كان شي عادي ، انا سافرت اكثر من مره و اهو بعد

مادي شنو السبب انه كا ما تطوف سنة يصير الوضع وايد اصعب اني اوخر عنه ؟؟

عموما الرجل ما يحب المرأة اذا لزقت فيه لزقه

و هالشي انا مؤمنة فيه لأن من تزوجت كنت دايما احاول انه يكون لنا مساحة من الحرية انا معاه

بس مادري شفيني بالسنة الرابعة من علاقتنا بدى هالشي

مو اني ما اقدر و بصير لزقه بس  الشعور صار اصعب من اول

من تجربتي اول ما تزوجت الكل قالي ترى وناسة الزواج بس سنتين مو تخترعين بعدين شنو راح يصير !! لأن كل شي راح يتغير

للأسف لما تكون الوحده بعمر نوعا ما صغير و داشة تجربة يديده و حتى الريال يصير التأثير عليهم وايد سهل

من لصداقاء او اهل يفرضون تجربتهم علينا

نصيحة مني ، لا تسمعون اي تجارب سلبية ، اللي يقول كلام حلو سمعوا اي كلام ثاني لا تسمعون ، المشكلة انه في ناس تذم الزواج او تذم العلاقة بين المرأة و الرجل و اهما اصلا مرتاحين بحياتهم !!بس يخافون من العين و الله و ما يدرون انه بكلامهم ممكن يزرعون فكرة براس الناس اللي توهم متزوجين

اللي شفتها انه العلاقاة الزوجية او علاقة الحب بشكل عام اذا بدت بهدوء راح تكبر شوي شوي بهدوء و راح تكون العلاقة اقوى مع السنين

وايد احسن من علاقة تبدا حيل قوية تلقون البنت تنسى العالم و اهلها و رفيجاتها و الريال حتى الدوانية ما يمر و لا يروح بر و لا شاليه

حدهم سنتين بالكثير بعدين راح تصير بينهم فجوة وايد كبيرة

و بعد انامو خبيرة و كلامي مو مقياس بس من اللي شفتهم

كل شي يبدا صغير و يكبر 

و الحب نفس الشي 

لأن الشي اذا بدا كبير ما يطول يموت بسرعه 

انشالله دايما حبكم يبدا صغير

:)