تغيرت ؟؟؟

مادري أنا تغيرت و لا تعودت ؟ من تزوجت و أنا متعوده اني أنام كل ويكيند في بيت اهلي لما يكون ج بالشاليه ، ما كنت اقدر أنام بشقتي و اهو مو موجود ، كنت استاحش او كنت احس اني مو في بيتنا ؟ مادري اذا كتبت هالشي من قبل او لا ، بس هالمعلومه حق كل وحده توها متزوجه ، راح تحسين انه انتي غريبه و داشه بيت العالم اللي كلهم اهل و يصيرون حق بعض الا انتي طبعا تفكير يضحك بس والله هالشي صار لي اول تزوجت لين بعدين خذيت على الوضع :) عادي لا تخترعون المهم من سنة تقريبا و أنا افضل اني أنام بشقتي ، الا طبعا اذا كنت معزومه عرس مع أمي اكون فبيتنا . مادري قمت احس خلاص انه المكان مكاني و ارتاح فيه . صج من غير ج نومتي تصير صعبه بس قمت افضل اني اقعد بمكاني بس مشكلتي يحوشني تانيب ضمير ، احس أمي تزعل اذا ما نمت عندهم مسكينه ما قالت لي شي بس أنا جذي افكر أنا كنت معاها اليوم و باجر انشالله بنطلع نتريق ، حسيت اليوم اني مقصره معاها مرات الحب يتعب احب أمي و أبوي وايد و احب ج وايد ، و دائماً احس اني مقصره بحق كل واحد فيهم و ابي ارضيهم ، و هالشي سبب اني ما اقدر أسافر معاهم كلهم بنفس الوقت لأني ما راح استانس راح اتعب اني مابي اقصر بحق اي احد فيهم ! في احد يحس جذي ؟ أنا هالشي مخليني شوي في حالة قلق - Posted using BlogPress from my iPad