Tuesday, December 13, 2011

صداقتكم قبل و بعد الزواج ؟؟ شلون صارت ؟

 
Tumblr.com
في هذا الموضوع انا مو قاعده احكم على احد و لا اني احط قوانين ، انا اتكلم عن رأي الشخصي و نظرتي الشخصية للموضوع و

مستعده لتقبل الرأي الآخر
امس صار نقاش في تويتر لما كتبت تويت عن الصداقة و اهميتها ، و شلون الصديقه الصح ما تتغير على رفيجاتها بعد الزواج ، يمكن هالموضوع ويد تكلمت فيه من قبل بس ودي اعرف الآراء بعد و ما امل اتكلم منه يمكن وحده او واحد يستيفدون منه .  و اللي خلاني اكتب عنه انه وايد بنات  اشتكو لي من تصرفات رفيجاتهم .
أغلب البنات يشتكون من تغيير رفيجاتهم بعد الزواج ، طبعا انا هني ما اتكلم عن بنات اعمارهم 18 – 20  ، انا اتكلم عن طريق تجربه فكلامي عن البنات اللي تزوجوا بعد ال 25,اللي تكون انسانه ناضجة و موظفه و لها كيان و دور بالمجتمع .
يحز بخاطري هذا التصرف ، من تتزوج تعطيج هذي السحبة اللي فجأه 6 شهور ما تدري عنج !!! انا بس ودي دي اعرف السبب اللي يخلي الوحده ما ترد حتى على الموبايل !! مو معقوله انتي 24 ساعه لازقه فيه ؟؟
اسفة على هالكلمة بس تكرمون و انتي داشة الحمام 5 دقايق دزي مسجات حق رفيجاتج سلمي عليهم .... بس
انا بالنسبة لي الصديقه الحقيقة تبين بالظبط في هذي المواقف

و اكرر انا ما اتكلم عن بنات صغار انا اتكلم عن بنات كبار قادرين انهم ياخذون قرارات

طبعا بتقولون في ريايل ما يرضون و مادري شنو ، انا اقولج  مو شرط تطلعين مع البنات ، مكالمة وحده او مسج  كافي . نصيحه و الله حق اي وحده مقبله للزواج ، لا تصدين عن رفيجاتج لا تصدين ، زوجج ما راح يهد ربعه لأن ما في داعي يهدهم الإنسان الطبيعي اهو اللي يكون عنده صداقات يا حبيبتي لا تخسرين رفيجاتج لأن بعد سنييييين راح تحسين فيها . لما تكون بروحج


اليوم الصبح تناقشت مع وحده من صديقاتي انه في بعض صديقاتها اللي مو متزوجات اهما اللي وخروا عنها و حطوا حواجز ، هالشي بعد اعتبره غلط لأن البنت راح تكون محتاجة لكم اكثر وقت الحين .

يمكن في شغله مادري انا غلط او صح فيها , لما اطلع مع رفيجاتي و نكون مكس متزوجات و مو متزوجات افضل انه الحوار ما يكون في كلام وايد عن الزوج او اليهال او الخدم

انا شخصيا اذا تحول الحوار عن خدم و يهال و مدارس يهال يضيق خلقي بالطلعه احس فجأة اني كبرت 20 سنة و انا الهدف من طلعتي ان استانس مع رفيجاتي
اذا وحده عندها مشكله و تبي نساعدها هذا موضوع ثاني ، بالعكس راح افتح لها قلبي بس انه تتحول الطلعة بس عن هالموضوع ؟؟
لازم يصير في تقدير انه في بنات مو متزوجات ما يهمهم  هالموضوع .
ودي اعرف بالنسبة حق الريايل ، عندكم هالشي يصير و لا لأ ؟؟

و في شغله ودي اقولها : قوة شخصيتك كزوج تبين لما تكون انته قادر انك تتقبل زوجتك و رفيجاتها و تخليها رفيجتك تسولف لك عن طلعتها معاهم  ، انت رجل شخصيتك قوية اذا عطيتها مجال انتكون  لها حياة اجتماعية  و تكون واثق فيها  و ما تحس ان رفيجاتها تهديد لك . اقدر اعتبر الريال شخصيته قوية  اذا وقف مع زوجته و ساندها و افتخر بنجاحتها

بس اسفه اللي يعتبر قوه الشخصية انه كاسر راسها و حاكرها بالبيت و ما تطلع الا معاك و انت بالمقابل عندك روحات ديوانية و ربع  و تخاف و تلف و تدور و تصارخ و تخرعها على طلعاتها و تمنع من غير سبب ، يعني تقول لها لا تطلعين من غير سبب

من رأيي الشخصي : انت رجل شخصيتك مهزوزة و ضعيفة  لأن ما عندك ثقه بنفسك

لأنك يوم خذيتها و اهيا متعلمة و موظفه ترى كانت عايشة حياتها قبلك !! على فكره ؟؟ و شنو شعورك انها تتحلطم عليك بقلبها !! لين تنفجر و تقول حق الناس ؟؟

ودي اعرف اجابات :

مستعد انك ما تكلم ربعك ؟؟ مستعد انك ما تروح الديوانية ؟ مستعد بهالجو الحلو انكترفض عزيمة رفيجك حق البر ؟؟ مستعد انه حياتك تكون بس انت معاها ؟؟؟


ودي اعرف

و ارد و اقول الموضوع يعبر عن وجهة نظري الشخصية اللي مو عاجبه بالعكس انا اتقبل كل وجهات النظر


صديقاتي : انتوا كنز بحياتي 
ج : اعترف انك تخجلني بشخصيتك  و الحمدالله  اني التقيت بلإنسان الصح عشان اكمل حياتي معاه بالطريج الصح

14 comments:

كويتيه 40 said...

السلام عليكم
اهنيج علي هالشفافيه والموضوع الحلو
بصراحه أنا صديقاتي كلهم تغيروا علي بعد الزواج وكان السبب الخوف من الحسد حتي اللي ماتزوجت اي خطبه او علاقه يخفونها وبالنهايه بعد فتره غياب يرجعون وكان شيء لم يكن وانما عادي ارد اتولصل معاهم أنا اعتبره قل عقل ونسخافه وسطحيه بس هذا طبع الحريم مو كلهم بس اغلبيتهم. بالنهايه أنا قمت اخش عنهم ما اقول كل شيء للاسف. يخلونج تتغيرين معاهم

Dusty-RosesQ8 said...

1-ولدج على ما ربيتيه و ريلج على ما عودتيه..اذا المرة من البداية بينت أهمية وجود الصديقات في حياتها الزوج راح يتقبل..بس اذا اسحبت عليهم سنة و سنتين مردها بتمل و تبيهم ذيج الساعة الريل بكون وجود الصديقات دخيل بحياتهم اهني تبدي اللوية
2-انا مر علي نوعين.. نوع سحب علي و نوع الى اليوم علاقتنا قوية
3-انطواء الزوجة و مجالبل الريل و اليهال و الخدم دون وجود صديقات يؤدي حسب رايي الى الدثارة و محدودية الافق العقلية و الأعصاب
4-وجوب ان يحتل الوزج و الاولاد و الصديقات مساحة في حياة المرة ولا راح تين و أأيدج سوالف الصديقات تكون بعيدة عن حياتهم الزوجية خل تكون سياسية فاشن اخبار مجتمع و شكرا

Anonymous said...

السلام عليكم

انا ما ادري شيابني اهني

بس عموماً

كلامج صحيح 100 بالمئه

انا عن نفسي كرجل، لا ما راح انتقطع عن ربعي انشاءالله، وعلشان اكون صادق معاج اكثر، راح اقطع عن ربعي السرسريه بس

علشان ابعد عني الشبهات وما افكر بمواضيع شباب عزابيه

احاول اكون مع الي متزوجين او محترمين اكثر من قبل

لان لو بطلع ويه واحد اعزوبي ومن النوعيه إلي تقز مطاعم وقهاوي، واشوفه مثلاً يرقم جدامي أو يسوي شي يحرجني، راح اتحسف اني طلعت وياه

وبعدين بخصوص زوجة المستقبل انشاءالله

ماعندي اي مشكله انها تطلع مع صديقاتها بس بشرط اعرف منو و وين رايحيين

لاني راح اييني احساس اني اثول و غبي اذا طالعه مكان مع ناس ما اعرفهم

اتمنا كلامي شفاف و واضح مثل كلامج، هذا رايي و هاذي البيئة الي حولي

Anonymous said...

كل هذه الأمور لازم يتم الاتفاق عليها قبل عقد القران. و ستين ألف خط تحت اتفاااق. يعني بارادة الطرفين. يجب ألا تقوم المرأة بمجاملة الرجل في فترة الاتفاق, و بعدين تتوهق وقت الصجية. نرد و نقول ان فترة الخطبة وايد مهمة للتعرف على اطباع و أولويات الزوجان. أما يتفقان أو يفترقان.
و أرى انه يحق للزوج أن يطلب من زوجته تخفيف الطلعات مع الصديقات إذا بالمقابل طبق على نفسه ذات الشيء.
و بيني و بينكم, الصداقات ليست أهم من نجاح و استقرار الزواج. مافي صداقات عميقة بهالزمن, الأغلب يدورون مصالحهم الشخصية. أقول للبنت قضبي ريلج. و أقول للرجل أقضب مرتك. الصداقات ممكن تخرب الزواج. كل شي بحدود.

Anonymous said...

i know you said ena malch shughel b banat men 18-20

bas ana bagol rayii anyways ;), bema 2eni sghayra w ga3 at3alam menkom fa agool raye :D

ana ashoof ena mala da3i elbent taghle8 3la nafs'ha elbab w bas teg3ad belbait w tensa kel rfejat'ha w kel eldenya w 7yat'ha! thats not marriage ! ohwa 3enda rab3, ra7 yroo7 eldewaneya ! 7ata law mara bel esboo3 ele ohwa ! bas ohwa ma3a rab3a ! shme3na el bent lazm tensaaa keeeeeelll denyat'ha 3lashan tabe tkoon 24hours weya zoojha? aslan moo zain 7ag el3elaqa, give ur man some personal space w ohwa ya36eech personal space, w eventually betrdoon 7ag b3ath 3la nehayat elyawm ! ana ma3ach eb hal salfa 100% w aslan wayed men rfejaty tzawejaw m3ay faj2a madri 3anhom laih yawmch hatha!

w bas ;D

btw i love ur blog ;*

Chirp said...

I agree with you 100%!!!!
Everyone needs friends in their lives in one way shape or form, chathaba el bent eli etgool enha mektafya with her family bedoon friends.
El7imdilla I have amazing cousins that I love, and great aunts and an amazing mom. Bas fy wayed ashya2 magdar anaqish'hum with my family. Fy wayed ayam I need to be far from that and be with my friends.
I have only been married for a year, bs i feel eni emga9ra shwaya with my friends, elmushkila el sboo3 emur so fast without time to make plans with everyone, fa emur shahar shahrain ma ashoof a lot of my friends cuz of mashaweer and muwajeeb and im just plain lazy. Bas asti7i 3ala wayhi oo adig oo as2al 3anhum liana in the days when I needed them, they were there for me.

NewQ8 Bride said...

كويتيه 40

صح كلامج يخلون الواحد يتغير غصب و مادري اذا الموضوع الخوف من العين ؟؟ شدعوة يعني المشكله محد خسران بالنهاية الا اهما

NewQ8 Bride said...

Dusty-RosesQ8

مشالله مشالله وضحتي وايد اشياء مهمة و اتفق معاج بكل شي ، بس مادري ليش العقليه عندنا بالكويت انها لازم تتغير مع انه الريال عمره ما يتغير على ربعه

NewQ8 Bride said...

Anon: مشكور على مشاركتك لأني كنت ابي اسمع رارء الريايل بالموضوع و لو انه عندي تحفظ على كلمة انت كتبتها بس ما قدرت اغيرها لول

المهم ترى من حقك انك تعرف اهيا طالعه مع منو و وين رايحه هذه اهم شي

و بالعكس من حقك انك تطلب منها ندق عليك لما توصل جذي راح تظل متواصل معاها و ما حرمتها من الطلعه

و من رايي الريال اذا صار اهو عارف نفسه شنو ما ياثر فيه اذا طلع مع شباب متزوجين او لأ ما ياثر فيه

NewQ8 Bride said...

اتفق معاح ، الإتفاق بالخطبة اهو المهم و هالشي بالنسبة لي 80%من نجاح الزواج

بالنسبة لي انا وجود الصديقات شي اساسي ما اقدر استغني عنه و بالذات الصديقات اللي عرفتهم سنين

بالمقابل اذا اهو خفف طلعاته مع ربعه اهني الزوجه تخفف طلعاته بس ما تنعزل


مشكورة وايد

NewQ8 Bride said...

Anon 3 : Anon: bl3aks 7abebte , ana abee rayich :) bas ana 7addat el3omer 3ashan la7ad ygole enah elee 3mrha 18 still young o t7taj a7ad ewajha , klamich mashalah mbayen shkether 3aglich kbeer , o seme3eene elrefejat elee 9adaw ma radhom enhom yrj3oon o yt7sfooon walah

NewQ8 Bride said...

Chrip : Thanks for your comment , and don`t blame yourself , at least you are thinking of them and calling them , elwagt ymer bsr3a o 9ij fe bnat ma ashofhom elaa mn sena le sena tra , but we keep in touch walah

Alaah ewafgich enshalah : )

Anonymous said...

This is so true !
el7mdella since the day i got engaged lezagt eb refejaati akthar lol and i told them "girls..i'm not gonna act like a weird married woman, i'm still the person you know"

i keep in touch as much as possible, arranging 6al3aat is a bit hard since everyone is too busy with husband, in-laws, kids, social stuff ..etc
so 7ta law daily whatsapp msg that costs nothing and takes 1 minute to tell my friends that i'm thinking about them means alot to them

my husband goes out with his friends more than i do.. it's not his fault w he's not the reason why i'm not seeing my friends.
Lama he goes out with his friends the first person i think about seeing is MY MOM .. ma yhoon 3alay ene ma ashoofha every single day .. she's my best friend too.

Wallah NewBride sometimes adesh bet oboy alga my mom ga3da bel 9aala with the TV off ! bas ga3da chethee .. I DIE WHEN I SEE THIS

i love my friends el7mdela and i see them from time to time but my mom is my priority

Anonymous said...

it's a late comment but I just couldn't resist it!
I have the worst luck with friends EVER, unfaithful-friends magnet
my closest simply walked away when I first got engaged, I got married and she just stopped answering my fone calls!! the rest decided to cut me off the grp gatherings somehow
so "allah ma ya5eth ila o ya36e",, I have the BEST husband any woman can have :) allah ydeem il ma7abba

inshala 6ol 3umrich new bride, o allah yarzqich ily etemaneena hon ;*