Tuesday, November 15, 2011

Newq8bride Haj trip , Part : 2

اسفة على التأخير بس لي الحين التعب من الحج مكسرني



وصلت عند منسك جبل عرفة ، بعد ما قالوا لنا انه خلاص لازم نحرك من جبل عرفه جهزنا اغراضنا و قمنا ، طبعا انا مثل ما كنت اشوف بالتلفزيون و اسمع من الناس اللي حجوا قبل انه اطول وقت يقعدون فيه بالباص اهو فترة النفرة من عرفه ، بس لما طلعنا جان انصدم انه ماكو باص !!!!السنة وايد مشددين على موضوع الباصات ، عشان جذي مشينا مع الناس بالزحمة . طبعا من هول الموقف اصلا ما طرى على بالي اني افكر اصور ، بس والله كان شعور غريب ، كانت احاول ارفع راسي كثر ما اقدر عشان اشوف الراية و ادل الطريج و ماسكة ج و متعلقه فيه . طبعا كل اللي تخيلته انه بهالوقت انا ماسكة حبيبي و زوجي و قاعده اشوف الرايات اللي قاعده تدليني الطريج لي الباص ،بس بيوم الحشر !!راح اكون بروحي !! و الله العظيم انه حاشني شعورلي الحين ماني قادره اوصفه من الخوف . كنت قاعده احاتي امي بس امي مشالله عليها كانت اكثر وحده مستانسة بهالتجربة لأن تقول عمرها ما حست بهالشي
بالحجات اللي قبل ، تقول صج حست انه كل الناس سواسية لأن كل مرة يكونون بالباص بس هالمرة مشينا مع الناس .

الشي اللي ضيق خلقي ، الأكل المقطوط بلأرض ، و الله العظيم و العظيم الباصات قاعدة تمشي على جبال من العيش ، الله يهديهم الناس اللي يكون فارشين بره من يوزعون عليهم اهل الخير الوجبات و الماي ياخذون اكثر من حاجتهم و يوم صارت النفرة قطوا كل شي بلأرض و مشو غصبن علينا قمنا ندوس على الأكل و الله و الله اكل يديد بس مافي مجال ابدا الواحد يوخر عنه .




وصلنا الباصات الحمدالله و حركنا الى مزدلفة عشان نجمع الجمرات شوي هني حسيت انهالحملة مضيعين نزلونا مكان و بعدين ودونا مكان ثاني يعني شوي صارت لوية ، طبعا انا من نويت الحج حطيت فبالي انه اي شي راح يصير من تأخير او مشاكل هذا شي من
الله  كتبة لي
 و يا رب يكون لنا فيه الأجر



هذا الجبل اللي بمزدلفة


طبعا فقرة تجميع الجمرات كانت تينن وايد استانسنا و ضحكنا و احنا نقعد نقارن بالجمرات و الحجم و الله بدعنا



بعد الجمرات ، كان لازم نروح طواف الإفاضة ، اللي صار انه بعض الأشخاص الله يهداهم ركبوا الباصات مو على ارقامهم ، كل مجموعه لهم باص معين ، و احنا المؤدبين ملتزمين عشتو ، ما ركبنا الباصات الثانية لأن ناطرين باصنا و النتيجة نطرنا تقريبا بالشارع 4 ساعات !!!!كان المفروض من الحمله انه يدبرون لنا باصات بس مادري شنو اللي صار


المهم كانت النطرة تجربة مو صج ، وصل فيني الحال من التعب اني نمت على القار و صج نمت و حلمت بعد ، قلت سبحان الله انا اللي اتفلسف اني مابي الفراش الفلاني او هالفراش مو مريح ، نمت بالشارع و سبحان الله نزل علينا ضحك مو طبيعي من التعب



اللي مهون الموضوع انه الجو اينن

و اللي هون علي بعدين انه الداعية قالت لنا انه طبقنا السنة بالظبط يوم قعدنا بمزدلفة
الحمدالله



هني تسدحنا بالشارع




المهم ما قدرنا نروح طواف الإفاضة عشان نتحلل ، قالوا لنا نروح نرمي جمرة العقبة الأولى و نتحلل و نأجل طواف الإفاضة بالليل



المهم لما ردينا الفندق جان انصدم من الشارع اللي فيه الفندق و عرفت شكثر مهم الموقع من زحمة الناس لأن قريب من الجمرات





و بالليل رحنا طواف الإفاضة الحمدالله كان وايد سهالة




هني صورت الساعة قبل لا ندخل حق الطواف


بعدها بدت ايام ايام التشريق كنا نطلع نروح منى و نرجم بالجمرات ، و صج هني كان المشي الصجي



الزحمة و احنا رايحيين منى و طبعت انا الفراغة لازم اصور
 
كنت ناسية الكمام جان اتلثم طبعا التعب مبين من العيون
 
 
 
 
المناسك كانت وايد سهلة  بس الطريج لها اهو اللي كان صعب
 
هذي صور المرجم
 
 


بعد ما خلصنا و رمينا اخر جمرة

الحمدالله




بعدها رحنا حق طواف الوداع اللي كان اسهل من السهالة الحمدالله

الجو مشالله اينن ، الحمدالله انه ربي كتبي لي حجة هالسنة يا رب

و يا رب يعودني لها

كل شي صعب صار لنا هناك انشاله يكون لنا اجر يا رب

و نصيحة ، الحج يبيله قوة و كل ما كان الواحد صغير كل ما كان بقوته

اللي ما راح ادعوا يا رب انكم تروحون و حطوا النية بقلوبكم و توكلوا على الله





3 comments:

Al-mubarkia said...

تقبل الله اعمالكم
و رزقنا الله و اياكم زيارة بيته الحرام في عامنا هذا و بكل عام
صج منظر الكعبه لما الانسان يشوفه يحس برهبه

Bahrainipreneur said...

تقبل الله وحج مبرور وذنب مغفور ان شاء الله

Anonymous said...

احنا بمزدلفة قعدنا بالباص اربع ساعات.. وكانت الثلاجات فاضية ما فيها لا ماي ولا عصير... لما وصلنا مزدلفة ونزلنا وصلينا ما كان معانا زولية نفرشها... بس يزاهم الله خير حرمتين يايبين الكنابل اللي توزعت علينا بمخيم عرفات وفرشوهم عشان نصلي عليهم... بعدين قالولنا لكم نص ساعة تجمعون جمرات... رحنا نيمع جمرات وخلصنا جان يقولنا الاداري احنا يبناكم غلط مو اهني مزدلفة لازم نمشي بعدين رحنا دخلنا مزدلفة قعدنا يمكن ربع ساعة ومشينا رحنا عند الشارع ننطر الباص وكان الباص وايد بعيد... ،معانا حريم كبار اعمارهم بالستين قعدنا عالرصيف ميتين من التعب... لقينا تاكسي ركبنا معاه وفي ناس تمو ينطرون.. من الزحمة قعدنا بالتاكسي اربع ساعات... في رياييل معانا بالحملة ركبوا سياكل ووصلوا الحرم وطافو الافاضة وردو الفندق تحللو واحنا ليلحين بالتاكسي... انا ما انقهرت الا على سالفة مخيم منى لما قالو ماكو مكان تدانو وكل ثنتين يقعدون بقنفة وحدة ليش هالتنظيم ليش ما يعملون حساب ان العدد اكثر... حملات الكندري السبيعي حتى خدم يايبين عشان ينظفون الحمامات واحنا حمامات عرفة العصر خلص الماي... انا واللي اعرفهم كلنا مو محللين هالحملة ونعتبرها غلطة... ما نلومهم على الزحمة هذا شي بره ارادتهم بس نلومهم عالاشياء الادارية اللي فشلوا فيها.... الحمدلله عالسلامة وتقبل الله طاعتج حجية :)